NLW MS. Llanstephan 27 (The Red Book of Talgarth) – page 26r
Ystoria Lucidar, Ymborth yr Enaid
26r
kany hanhoedynt ohonam. Y rei a|ducpỽyt yno a gyfle+
hawyt yn adeilyat ỻys nef megys mein pedrogyl drỽy y
goruchaf saer. sef ynt y rei hynny yr etholedigyon a|lawen+
haant o|r pedwar|nerth pennaf. Nyt amgen pryder a|cheder+
nyt. a chyfyaỽnder. a|chymedrolder. o|r rei hynny y kyweirir
muryoed kaerussalem. Y mein ereiỻ garỽ heb gaboli a
vu anaf gan y pensaer. nyt amgen no|r rei ennwir a vỽr+
ywyt yn|y tan uffernaỽl. Y rei gỽirion a|diangassant odyno
a|vyd mur kadarn y grist. drỽy lewenyd tra·gywydaỽl. ameN.
Duỽ a|th gyflaỽnhao ditheu oruchaf athro o ogonyant y
seint. a gỽelet ohonat brenhin nef yn|y nef yn anrydedus
a|daoed kaerussalem yn hoỻ dydyeu dy vuched. ameN ~
Ac ueỻy y teruyna lucidar. ~ ~ ~ ~ ~ ~
Y * ỻyvyr hỽnn yỽ y trydyd ỻyvyr o|r ỻyvyr a|elwir
kyssegyrlan vuched. ac a|elwir ymborth yr eneit.
ac yndaỽ y mae teir rann gỽahanredaỽl. y rann gyntaf a
draetha am y gỽydyeu gocheladwy. a|r kampeu aruera+
dỽy. Yr|eil rann am dwywaỽl garyat. drỽy yr hỽnn y kyssyỻ+
dir duỽ a|dyn. Y dryded rann a|draetha am berlewycuaeu
a|delont o|r kareat hỽnnỽ. ac am weledigaetheu a rodo yr
yspryt glan yn y perlewycuaeu. ac am naỽrad yr engylyon.
ac o|hynny kyntaf y treythyr am y gỽydyeu ual y galler
eu gochel ar vyrder. kanys anteilỽng yỽ gỽytyus y gaff+
el dwywaỽl garyat. a|r campus a|e keiff megys y mene+
gir rac ỻaỽ. ~ ~ ~ ~ ~ ~ ~ ~ ~
S Eith brifwyt yssyd y rei a|elwir yn bechodeu ma+
rwolyon. kanys angeu a|barant y|r eneit. ac am
The text Ymborth yr Enaid starts on line 14.
| « p 25v | p 26v » |