NLW MS. Llanstephan 27 (The Red Book of Talgarth) – page 98v
Mabinogi Iesu Grist
98v
beth yỽ thaỽ. a minneu a|gredaf yỽch pan dywettỽch. b. a
Jessu yna a|dechreuaỽd dywedut enỽeu yr hoỻ lythyr. ac
ymovyn a|r athro. Dywet titheu y mi dysgyaỽdyr y gyf+
reith y ỻythyren gyntaf o alpha. paham y mae idi ffigur
teir kongylaỽc. ereiỻ meinyon. ereiỻ blaenỻymyon y wae+
ret. ereiỻ yn grỽnn. ereiỻ dyrchafedic y vyny. ereiỻ troet+
aỽc. Pan gigleu yr|athro hynny. eryneigyaỽ a|oruc gỽy+
bot o Jessu enweu yr hoỻ lythyr a|e synhwyreu. ac yna y
dywaỽt yn uchel ual y clywei baỽp. Ny|dyly hỽnn pressỽy+
laỽ ar y daear. namyn teilỽng yỽ y|dyrchafel ar y groc.
kanys yn keissyaỽ y mae ef diffodi y tan a|dylyo poeni. e+
reiỻ. Mi a dywedaf nat oes ynni gyfadnabot ar berchen
y groth a arwedaỽd hỽnn. neu pa uam a|e hymdygaỽd. neu
pa vronneu a|e ỻaethaaỽd. Myui a ffoaf y ỽrthaỽ ef. kan+
ys ny aỻaf|i diodef y eireu ef. kanys y mae vyng|kaỻon
yn ergrynu. na gỽarandaỽ y ymadraỽd ny|s gaỻaf. Nyt
yttỽyf|i yn tebygu gaỻel o neb dilit y parableu a dyweit ef.
a minneu kan·n oedỽn diryeit a ymrodes y|m gỽattwaru
uy hun rac y vronn ef. A|phan|dybyeis i gaffel disgybyl. sef
yd oed ynteu yn athro yn|dywedut. namyn ny dyaỻaf|i ac
nyt attebaf o vn geir y|r mab. a|e eiryeu ny aỻaf|i eu diodef.
Hen wyf|i. a|r mab a|m gorchyvygaỽd. ac nyt|oes na dechreu
na diwed ar a|dyweit. ac anaỽd yỽ y neb gỽybot y geireu
kyntaf o|e ymadraỽd. ac yn|diheu y dywedaf y chỽi heb gelw+
yd. yma diadnabot yỽ gỽeithret y mab hỽnn. na|synnỽyr
ymadraỽd y|sentens diwed y barabyl ny welir y gytwedu a
dynyon. ny hanffont o dim daearaỽl. Ny wnn i beth y dyw ̷+
| « p 98r | p 99r » |