NLW MS. Llanstephan 4 – page 14v
Chwedlau Odo
14v
dywedut y gyffes. a hynny a|oruc y cat+
no. ac yn hynny estynnu y benn a|wnaeth
tu ac att y keilaỽc. Paham y nessey di at+
taf|i heb y keilyaỽc. Tra dolur a|wna ymi
hynny heb y catno madeu ym. ac yna
kyffessu ychwanec a|oruc. A|phan weles
y gyfle yn|vradỽryaỽl neidyaỽ a|oruc y|r kei+
lyaỽc a|e daly a|e yssu. Deaỻet y darỻeaỽdyr.
E |gylyonen gynt a|oed yn ehedec dan
ganu gan ystlys mur. a hi a argan+
uu yr adyrcop yn|y lochwes yn gorffowys.
a|dywedut a|oruc hi ỽrthaỽ ef. Ny eỻir dim
a|thydi heb hi kanys mi a|ehedỽn yn
vn dyd mỽy noc a|gerdut ti yn|dec diỽ+
arnaỽt. Nac ehedut am|gyngwystyl heb
yr adyrcop. Minneu a|e kynhalyaf heb
hitheu. Dyeithyr hynn heb yr adyrcop. ni
a yfỽn y gỽin yn gyntaf. a|gỽedy hyny
yr vn a|e coỻo o·honam talet drostaỽ. a
bit veỻy heb y gylyonen. Arho oric heb
yr adyrcop. Mi a|wnaf gỽrtynys yn arder+
chaỽc y|n kylch ac yn|hỽnnỽ yd eistedỽn
ac y hyfỽn y gỽin. Gỽna ditheu heb hi. Ac
yna ystoui y we a|oruc yr adyrcop. A|phan
yttoed yn baraỽt galỽ y gylyonen attaỽ
a|oruc. a|dyuot a|wnaeth hitheu. ac yn
| « p 14r | p 15r » |