NLW MS. 3035 (Mostyn 116) – page 49r
Brut y Brenhinoedd
49r
vydin yd oed nynyaỽ vab beli braỽt kaswaỻaỽn Ac
a·varỽy vab ỻud y|nei yn|y ỻywyaỽ. a bydin vlkesar
A|ỻinyaru bydin yr amheraỽdyr. Ac ar|hẏny yd ym+
gyfaruu nynyaỽ a c vlkessar a|diruaỽr lewenyd a
gymerth. nynyaỽ yndaỽ am damweinaỽ idaỽ kafel
ym·gyuarfot a gỽr kyurd a hỽnnỽ Ac yn|dianot ym+
gyrchu. A|phan welas vlkessar nynyaỽ yn|y gyrchu
a|chledyf noeth; troi y|daryan yn ỽychyr gyflym
a oruc ac erbyneit y dyrnaỽt arnei. A|megys y gadỽys
y|nerthoed idaỽ gossot a|wnaeth ynteu a chledyf ar
nynyaỽ ar|warthaf y|helẏm a cheissaỽ yr eil yn gyf+
lẏm mal y|bei agheuaỽl A|phan welas nynyaỽ hẏnẏ
erbyneit y dyrnaỽt a|oruc ar y daryan. A chymeint
vu y dyrnaỽt ac yny lynỽys y cledyf yn|y daryan. Ac
rac ruthyr y bydinoed yn teỽhau am eu pen y|bu
reit y|r amheraỽdẏr adaỽ y gledyl* yn|y daryan gan
ny·nyaỽ. y chedyf* hỽnnỽ heb y gaffel o|r daryan. A gỽedy
kaffel o nynyaỽ y cledyf hỽnnỽ. y gỽnaeth aerua diruaỽr
y|meint o|e elynẏon A gỽedy treulaỽ y ran vỽyaf o|r dyd
yn|y wed hono o|r diwed y|goruu y|brytanyeit. Ac y|kaỽs+
ant y vudugolyaeth. Ac y|ffoes vlkessar y|r ỻogeu yny
oedyn wasgaredigẏon y bydinoed A chymryt y|mor
yn ỻe casteỻ vdunt A diruaỽr lewenyd a gymerassant
am gaffel hyny o|diogelỽch. Ac yn eu kygor y|kaỽssant
am gaffel hẏnẏ na dilẏnynt ymlad a|r brẏtanẏeit hỽy
no hẏnnẏ. Ac ufydhau a|oruc yr amheraỽdyr ỽrth gygor
y|wyrda A hỽylaỽ parth a|freinc ~ ~
A gỽedy y vudugolyaeth honno diruaỽr lewenẏd
a|gymertth katwassaỽn* yndaỽ. Ac yn gyntaf talu
molyant y eu dỽeu* Ac odyna rodi rodyon maỽr.
| « p 48v | p 49v » |