NLW MS. 3036 (Mostyn 117) – page 252
Brut y Brenhinoedd
252
gyon y brytanyeit hyt ym bangor. Ac yna y do+
eth bledris tywyssaỽc kernyỽ. A Maredud vre+
nhin dyuet. Catuan brenhin gỽyned. Mab
oed hỽnnỽ y iago vab beli vab einyaỽn vab Ma+
elgỽn gỽyned. A guedy dechreu y vrỽydyr hon+
no; drut a chalet ac aruthyr ac athrugar uu yr
aerua o pop parth. Ac eissoes trỽy trugared duỽ
y goruu y brytanyeit. Ac y brathỽyt edelflet.
Ac y kymellỽyt ar ffo. Ar hyn a diaghassei o|e lu
gantaỽ. A Sef eiryf a las o lu edelflet; whe gỽyr
a thri vgeint a deg mil. Ac ym parth y brytanyeit
y dygỽydỽys bledris tywyssaỽc kernyỽ. Ac ar| nyt
oed haỽd eu gossot yn rif ygyt ac ef.
AC yna yd ymgynnullassant yr holl vryt+
anyeit hyt yg kaer lleon. Ac oc eu kyffredin
gyghor y| gỽnaethant Catuan vab Jago yn vren+
hin arnadunt. Ac odyna ymlit edelflet hyt y pa+
rth traỽ y humyr. Ac yna kynnullaỽ a| wnaeth e+
delflet yr holl vrenhined saesson ygyt ac ef. A dy+
uot yn erbyn Catuan. A guedy bydinaỽ o pop
parth; y doeth ketymdeithon y·rygtunt ac eu tag+
neuedu yn| e wed hon. Gadu y edelflet o|r tu draỽ
y humyr. A chatuan yn vrenhin ar ynys pryde+
in oll guedy wedy* hynny. Ac yn eidaỽ coron lun+
dein. A guedy kadarnhau y| gytuot honno +
trỽy aruoll a gỽystlon o pop parth; y bu gyme+
int ketymdeithas a charyat a duundeb y·ryg+
| « p 251 | p 253 » |