NLW MS. 3036 (Mostyn 117) – page 84
Brut y Brenhinoedd
84
byn yr amheraỽdyr. Sef yd aeth hyt yn scithia y geiss+
aỽ porth y gan y ffychteit y orescyn y|gyuoeth trach+
efyn. A guedy kynnullaỽ ohonaỽ holl ieuenctit a
deỽred y wlat honno. dyuot a wnaeth ynys pry+
dein a llyghes uaỽr gantaỽ. A guedy eu dyuot y|r
tir kyrchu a wnaeth am pen kaer efraỽc ac ymlad
a|r gaer. A guedy kerdet y|chedyl* yn honneit dros
y teyrnas. yd ymedewis y ran uỽyhaf o|r brytany+
eit o|r a oed ygyt a|r amheraỽdyr. a mynet ar sulyen.
Ac yr hynny eissoes ny pheidỽys yr amheraỽdyr
a|e darpar. namyn kynnullaỽ guyr rufein a|r hyn
a trigyassei gyt ac ef o|r brytanyeit. a chyrchu y lle yd
oed sulyen. ac ymlad ac ef. Ac eissoes pan oed gad+
arnhaf yr ymlad. y llas seuerus amheraỽdyr. A
llawer o|e wyr gyt ac ef. Ac y brathỽyt sulyen yn
agheuaỽl. Ac y cladỽyt seuerus yg kaer efraỽc.
A guyr rufein a gynhelis y dinas arnadunt yr
hynny. A deu vab a edewis seuerus. nyt amgen.
.basianus. A Geta. basianus hagen a hanoed y vam
o|r ynys hon. A mam y Geta a hanoed o rufein. A
guedy marỽ e|tat. Sef a|wnaeth guyr rufein dyr+
chauel Geta yn vrenhin. A|e ganmaỽl yn uỽyhaf
ỽrth hanuot y vam o rufein. Sef a wnaeth y bryt ̷+
anyeit eissoes ethol basianus yn vrenhin a|e gan+
maỽl ynteu ỽrth hanuot y uam o|r ynys hon. Ac
ỽrth hynny sef a wnaeth y brodyr ymlad. Ac yn yr
ymlad hỽnnỽ y llas Geta. Ac yna y kauas basia+
| « p 83 | p 85 » |