NLW MS. Peniarth 11 – page 142v

heb y meudwy hỽnn a|dyly bot yn|wr ytti. A thitheu a|dylyy y

gynghori ef a|e nerthau. kanys diodefaỽd y vam angheu drossot.

A C yna y mab a|ostyngaỽd ar benn y lin geyr bronn gỽal  ̷+

chmei. ac a|dyrchafaỽd y dỽylaỽ. Ac yna y meudỽy a|dyw  ̷+

aỽt ỽrth walch·mei. Arglỽyd heb ef trugarhaa ỽrth y mab. Yna

gỽalch·mei a|gymerth dỽylaỽ y mab y·rỽng y dwylaỽ ynteu. a  ̷

dywedut. Myn vyng|cret vab heb ef mae hoff yỽ gennyf dy wroga  ̷+

eth a|th garyat. a|m kanhorthỽy inneu ti a|e keffy yn|ỻawen. na  ̷+

myn hynn myui a vynnỽn wybot dy henỽ di. Arglỽyd heb y

meudỽy ef a elwir meliot o loegyr. Yno y|bu walchmei y|nos hon+

no. a|thrannoeth gỽedy gỽrandaỽ offeren ef a|gymerth kennat

y meudỽy y vynet ymeith. a|r meudỽy a|ovynnaỽd idaỽ pa|le

yd oed y vryt ar vynet. ac ynteu a|dywaỽt mae parth a|ỻys bren  ̷+

hin peleur yd aei. Gỽ·alchmei heb y meudỽy duỽ a|wnel ytt w+

neuthur yn weỻ noc y gỽnaeth y marchaỽc araỻ a|vu yno

o|th vlaen. Duỽ a|wnel ym aỻel gỽneuthur ewyỻys duỽ heb ef.

G walchmei yna a|gymerth y gennat ac a uarchocaaỽd

racdaỽ drỽy syỽrneioed yny doeth y|r wlat teckaf o|r a

welsei neb eiryoet. a megys y bydei ef ueỻy. ef a|welei was

ieuanc yn dyuot parth ac attaỽ. yn|drist ac yn aflawen ac

edrychyat ỻibin ganthaỽ a|e wyneb tu a|r ỻaỽr. A gedymdeith

heb·y gỽalchmei o|ba|le pan|deuy di. Arglỽyd heb ynteu yn dy+

uot o|r fforest racko. Piwyt gỽr di heb·y gỽalchmei. Gwas ỽ  ̷+

yf|i heb ynteu y|r gỽr bieu y fforest. Hyt y gỽelir ymi heb·y gỽal+

chmei nat ỽyt lawen iawn di. Arglỽyd heb ynteu achaỽs ysyd

ym y hynny. kanys y neb a goỻei arglỽyd da ny dylyei hỽnnỽ