Breudwd Welsh Prose 1300-1425
Cymraeg

NLW MS. Peniarth 11 – page 158r

Ystoriau Saint Greal

158r

naf o|r marchogyon a|e rybudyaỽd yr eilweith. Ac a|dywaỽt
ot arhoei ef mỽy na chỽplaei eu heissyeu ỽy vyth. Gỽalch+
mei a|edrychaỽd y vyny heb dyaỻ dim y ỽrth y marchogy+
on na|r morynyon. Ac ar|hynny y morynyon a|aethant
y|r|capel ac a|dugant y greal ganthunt. a|r marchogyon
a|barassant tynnu y ỻieinyeu y ar y byrdeu. ac a|aethant
y|neuad araỻ ac a adaỽssant walchmei e|hunan ueỻy. Y+
na gỽalchmei a|edrychaỽd ar|hyt y neuad ac a welei y
drysseu yn gaeat arnaỽ. ac yn|y ymyl ef a|arganvu gỽ+
ely yn|baraỽt a deu|dors o gỽyr yn|ỻosgi. ac yn ymyl penn
y gỽely yd oed taỽlbỽrd a|r|werin arnei wedy eu gossot.
a|r neiỻ hanner o|r|werin a|oed o asgỽrn moruil. a|r ỻaỻ o
eur. Gỽalchmei a dechreuaỽd gỽare. ac a|symudaỽd vn o|r
werin o|asgỽrn moruil. a|r rei o eur a chwareassant yn|y
erbyn. ac ueỻy y coỻes ef deu chware. a|dechreu y trydyd
a|oruc y geissyaỽ dial y gewilyd. a|phan weles ef y chware
ef yn waethaf. ynteu a gymysgaỽd y werin. ac ar hynny
nachaf uorwyn yn dyuot o ystaueỻ ac yn erchi y herlot
a|oed gyt a|hi gymryt y daỽlbỽrd. a|e dỽyn ymeith. a gỽalch+
mei rac y vlinet a|gysgaỽd ar warthaf y gỽely hyt tranno+
eth pan gigleu gorn yn kanu deirgỽeith. 
A r hynny gỽalchmei a|wisgaỽd y arueu ym·danaỽ
ac a|gafas yn|y gynghor vynet ymeith. a|chymryt
kennat y brenhin a|oruc. A|phan|doeth tu ac ystaueỻ y bren+
hin yd oed y drysseu yn gaeat ual na chaffei ef fford y|myỽn.
Ac ef a glywei y gỽassanaeth teckaf yn|y capel. a drỽc vu