NLW MS. Peniarth 11 – page 164v
Ystoriau Saint Greal
164v
gevyneu arnunt. Ac ar ol yr eil anrec y|doethant marchoc+
yon gỽedy tynnu eu ỻygeit o|e penneu. a gỽeissyon yn|eu tyw+
yssaỽ ỽynteu. ac ar|ol y dryded anrec y|doethant marchogyon
urdolyon heb vn|ỻaỽ namyn un y pob un onadunt. ac ar ol
y bedwyred anrec y doethant marchogyon ỽrth eu hun troet.
Ac ar|ol y bymhet anrec y doethant marchogyon urdolyon
yn vonedigeid o diỻat tec. ac yn|wyr aduỽyndec. ac yn ỻaỽ ̷
bop un onadunt yr oed gledyf noeth. ac yn|y gynnic y|r arglỽ ̷+
ydes o|dorri eu|penneu. Laỽnslot yna a|edrychaỽd arnunt
ac ny bu hoff ganthaỽ aruer y ỻetty hỽnnỽ. ar hynny y ky+
uodassant o|vỽyta. a|r vnbennes a|gymerth laỽnslot ac a|e
duc y ystaueỻ dec. Laỽnslot heb hi ti a|weleist y gyfreith a|r ̷
arglwydiaeth yssyd yn vyng|casteỻ i. a|chỽbỽl o|r marchogyon
urdolyon a|weleist di a|ruuwyt arnunt ar y fford racko geyr ̷
bronn y porth. Arglỽydes heb·y laỽnslot aflỽydyannus y|dar+
uu udunt. veỻy y daruuassei y|ttitheu pei na|bei dy vot yn
uarchaỽc da. Eissyoes mi a|vum y|th damunaỽ di yr ys|talym.
a chanys kefeis i dydi yma mi a vynnaf ohonat ti dy wneu ̷+
thur yn arglỽyd arnaf|i ac ar vyng|casteỻ. arglỽydes heb·y
laỽnslot hoff yỽ gennyf yr arglỽydiaeth. a thitheu ny dylyaf
y ỽrthot. namyn mi a vydaf yn|dy wassanaeth di. Gan hynny
heb hitheu ti a|drigyy yma y·gyt a|mi. kanys nyt oes yn vyỽ
gỽr a|garỽyf yn gymmeint a|thi. Arglỽydes heb·y laỽnslot
duỽ a|dalo ytt. ac ny aỻaf|i drigyaỽ yn vn|ỻe. namyn vn nos
yny vỽyf yn|y ỻe yr|edeweis vot yndaỽ. Pa|le yỽ hỽnnỽ heb hi.
Yng|casteỻ brenhin peleur heb ynteu. Mi a|atwaen y casteỻ
| « p 164r | p 165r » |