NLW MS. Peniarth 11 – page 170r
Ystoriau Saint Greal
170r
ỻadaỽd ef. a mi a vynnỽn wybot chwedyl y ỽrthaỽ. Veỻy y
mynnỽn ninneu heb·yr arthur. drỽy amot na chyfarffei
ac ef chỽeith drỽc. kanys yn|y byt nyt|oed gỽr kymeint a|dam+
unỽn y welet ac ef. Myui heb·y gỽas a|dylyỽn y gassau ef. ka ̷+
nys efo a|ladaỽd vyn|tat i. a minneu os da gan duỽ a|dialaf
hynny arnaỽ. ac am|hynny yd ỽyf|i yn erchi ytti yr dy uedyant
vyng|gỽneuthur i yn varchaỽc urdaỽl. kanys tydi yssyd ge+
nevjn a gỽneuthur y kyfryỽ wassanaeth a|hỽnnỽ yn diomed
y ereiỻ. Pỽy dy henỽ di unben heb y brenhin. Arglỽyd heb
ynteu ef a|m gelwir i clamados o|r gỽasgaỽt. Yn|yr amser hỽn+
nỽ gỽalchmei gỽalchmei a|oed yn|y ỻys. ac a|dywaỽt yna ỽrth
arthur. y gỽas hỽnn yssyd elyn y|r marchaỽc a|dyly dwyn y
daryan. a|e elyn ef ny dylyy di y gynnydu ef na|e gyuodi ar
anryded. namyn y enkiliaỽ is|gil. kanys goreu marchaỽc
o|r byt yỽ paredur onyt y nei uab y geuynderỽ. nyt amgen
no mab laỽnslot. yr hỽnn a anet o verch brenhin peles. ac a
elwir galaath. ac yr ỽyt yn|y ỻys honn yr ys|talym yn aros
y|dyuotyat y|myỽn. ac nyt yttỽyf|i yn|dywedut hynny yr
amorth* y|r gỽas. namyn na mynn˄ỽn inneu wneuthur o·hon+
at ti dim o|r a afranghei uod y baredur.
D ywedut a|oruc y vrenhines yna ỽrth walchmei. My+
ui a|ỽnn vot yn|hoff gennyt ti anryded y|r amheraỽ+
dyr arthur. yr hynny efo a|ogenit o|r gỽnaei ef beth kyme+
int a nackau dyn o|r byt. kanys ny nackaaỽd eiryoet yr vn.
a|hoffach heuyt vyd gan|baredur o|r goruyd arnaỽ ymlad a
neb y vot yn varchaỽc urdaỽl noc yn was. kanys ny bu
| « p 169v | p 170v » |