NLW MS. Peniarth 11 – page 185v
Ystoriau Saint Greal
185v
honn yn fford gyffredin y baỽp. Ac a ymanhyed a|oruc ef a|m
braỽt i yny gafas y gret ar ymlad drostaỽ ac o|e garyat. A ̷
thrannoeth y bore ef a|doeth yma ryỽ varchaỽc ar y antur. yr
hỽnn nyt yttoed yn chwennychu chweith drỽc y|m braỽt i
nac y|r marchaỽc o|r casteỻ racko. ac yd oed ef yn uarchaỽc
grymus. ac a|hanoed o lin ganalỽn. Ac yna vy mraỽt i yr|hỽnn
a|oed gỽedy ym·ennynnu o ffolineb a|e kyrchaỽd ef. a|r marcha+
ỽc ny aỻei nat ym·amdiffynnei racdaỽ. Ac yna ymguraỽ a|w+
naethant yny syrth eu meirch y·danunt ac yny vyd eu gỽaeỽyr
trỽydunt ac ỽynteu yn veirỽ eỻ|deu yn|y ỻannerch honn yman.
Ac yna y|ỻeidyr racko a|doeth ac a gymerth eu meirch ac eu har ̷+
ueu. ac a|e duc y|r casteỻ ganthaỽ. a|r kyrff a edewis ynteu yma
y|r kỽn. pan doethum i yma a chyuaruot a mi deu varchaỽc ur+
daỽl. y rei a|m|kymhorthassant o|e cladu yn ymyl y groes raco.
M yn vym penn i heb·y gỽalchmei ueỻy y mynnassei yn+
teu a|minneu. ef a roes deaỻ ymi neithyỽyr vot y mar+
chaỽc yma yn ryuelu arnaỽ ef. ac ef a|baraỽd ymi roi vyng
cret idaỽ ef ar y amdiffyn racdaỽ. Eissyoes duỽ a|m amdiffyn+
naỽd i. Ef a|welir ymi heb·y gỽalchmei beỻach y minnei ef
ỻad o|bop vn o·honam ni y gilyd. Gỽir yỽ heb hitheu o achaỽs
aỽch meirch chỽi a|ch arueu y mynnei ef hynny. A vnbennes
heb·y gỽalchmei y ba|le y mae y|th vryt titheu vynet. Mi a af heb
hitheu yn ol marchaỽc urdaỽl yr hỽnn yssyd ar|elor veirch yn
uarỽ. a morỽyn ieuanc yn|y hol. Mi a|e gỽeleis hi heb·y gỽalmei
neithỽyr yn hỽyr yn mynet yma heibyaỽ. Yna y marchaỽc a
gymerth y gennat y gan walchmei. a gỽalchmei a|dywaỽt ỽr+
thaỽ. A vnbenn heb ef pỽy yỽ dy henỽ di. Arglỽyd heb ynteu na
| « p 185r | p 186r » |