NLW MS. Peniarth 11 – page 211v

a|oed arnaỽ. Ac y roet y ỻudỽ arnaỽ o|e iachau. ac y|gỽisgỽyt

glan|diỻat ymdanaỽ. a gỽedy hynny yr arglỽydes a|beris dy+

uynnv kỽbỽl o|e hoỻ uarchogyon urdolyon hyt geyr y|bronn. ar  ̷+

glỽydi heb hi. weldy|yma y gỽr a iachaaỽd ymi vy|nghyuoeth a|m

heneit. a|ch eneidyeu chỽitheu heuyt. a chỽi a|wdaỽch panyỽ da+

rogan oed na chaffem ni hedỽch ganthaỽ ef yny delei y|mar+

chaỽc a|r penn eur arnaỽ. a ỻyma hỽnnỽ. ac am hynny minneu

a|vynnaf aỽch bot chỽi ar y ewyỻys ef. Ninneu a|vydỽn yn ỻaw+

en heb ỽynteu. Ac yna yr|arglỽydes a|aeth y gyrchu y kylch e+

ur ac a|e gossodes am y benn ef. a|gỽedy hynny a|rodes y gledyf

yn|y laỽ. ac a|dywaỽt. arglỽyd heb hi ar ny mynno credu a|e

vedylyaỽ. ỻad di y benn ef a|th gledyf. a|mi a|th warantaf di

a|hi e|hun yn gyntaf a|beris y bedy˄dyaỽ. A gỽedy hynny y|ỻe+

iỻ oỻ a vedydywyt. Joseph yssyd yn dỽyn ar|gof yni panyỽ e+

liza. oed henỽ bedyd yr arglỽydes. a buchedockau ohonei yn san  ̷+

teid ac yn vorwyn tra|vu vyỽ. ac etto y mae y chorff hi yn gỽn  ̷+

neuthur gỽyrtheu gỽedy mynet ac ef hyt yn iwerdon. ac yno

y mae eglỽys anrydedus idi. Yno y bu baredur yny vu iach. a|r

chỽedleu hynny a|aeth y bop ỻe. a|dywedut panyỽ y marcha+

ỽc a|r|kylch eur a oruv ar varchaỽc y dreic danỻet. Y|ỻewe+

nyd am hynny a|vu vaỽr y|mhop ỻe. ac* chwedleu a|aeth y lys

arthur. Eissyoes ryued vu ganthunt pỽy oed y marcha+

ỽc a|r kylch eur kanys nys atwaenynt ỽy. 

P an vu iach paredur ef a|aeth ymeith o|r casteỻ. wedy

adaỽ o·honaỽ kỽbỽl o|r wlat ar|y ewyỻys ef. a|r argl+

ỽydes a|dywaỽt ỽrthaỽ y kadwei hi y kylch eur os mynnei

ef.