NLW MS. Peniarth 11 – page 255r

ony|s|kaffei. A gormod gouit oed y varỽ ef. Och laỽnslot

heb hi dy druttet ti y|m kyueir i. a|drỽc yỽ gennyf|i vot y cledyf

y·gyt a|thydi. a|phany bei y vot ef gennyt ti nyt aut ar dy ewyỻys

odyma. ac y·gyt a|hynny mi a|barassỽn|dy dwyn y|m casteỻ i

ỻe nyt aut o·honaỽ vyth tra|veut vyỽ. a|mi a|vum yr ys|talym

yn gỽylaỽ y fforest honn am·danat ti. Ac yr aỽr·honn oblegyt

y cledyf hỽnnỽ ti a|m|someist i. kanys nyt oes neb a|aỻo ytti

dim o argywed tra vo y cledyf gennyt na|th attal yma heuyt

am yr hynn yd|wyf drist i. Nyt trist gennyf|i hynny heb·y

laỽnslot. Ac yna laỽnslot a gymerth kennat y gan y vorwyn.

yr|honn ny rengis bod idi dim o|e vynetyat. ac yna ef a|gym+

merth y arueu ac a|aeth ar y varch a thrỽy y vynnwent. ac a|e+

drychaỽd ar y bobyl drỽc hynny. y rei a|debygei ef eu bot ar ve+

dyr y lyngku yn vyỽ. a chilyaỽ y ar y fford ef a|wnaethant ỽy

yr hynny heb aỻel argywedu idaỽ. a|cherdet racdaỽ a|oruc drỽy

y fforestyd yny ytoed y|dyd yn ymdywynnygu. ac ar y fford

ef a|gyfaruu ac ef kudugyl meudwy yn|y|ỻe gỽarandawaỽd

offeren. ac yno bỽyta y·chydic a|oruc. A gỽedy hynny ef a

varchocaaỽd yny ytoed yr heul yn mynet y gyscu heb welet na

thy na|chyuanned. ac a|doeth nos arnaỽ yn|y fforest hyt na|wy+

dyat laỽnslot y|pa|fford yr aei. am nat oed vynych idaỽ vot yn|y

wlat honno. a marchogaeth ueỻy a|oruc yny|doeth y ymyl a+

von vechan. ac yn ymyl yr avon yr oed lỽybyr bychan. yr hỽnn

a|ganlynaỽd ef yny doeth o vyỽn gard a|glasweỻt yn|tyuu yndi