NLW MS. Peniarth 11 – page 268v
Ystoriau Saint Greal
268v
vorwyn ti a|e keffy. Ac yna ef a|lusgaỽd y marchaỽc hyt
y ffos yn|y ỻe yd oedynt amylder o natred a|seirff hyt nat
oed fford idaỽ ef y hir barhau yno. Y vorwyn ynteu a|diol+
ches y baredur y lauur drosti ym|pob amser. ac ymeith
y kerdaỽd hi yny doeth y chasteỻ e|hun. ac o|hynny aỻ+
an ny bu ar nei chweith ryuel vyth rac creulonet
y|dialyssei baredur ar baỽp o|r a|oed elynyon idi.
P aredur a|gychw ynnaỽd ymeith. megys
y neb ny mynnei vot yn|y byt onyt trỽy lauur
a|govit. a|marchogaeth a|oruc drỽy syurneioed yny doeth
y dir tec. a chestyỻ kedyrn arnaỽ. ac ny chredit chweith
y duỽ yn|y wlat honno. namyn y delweu dinewyt y credynt
ỽy. yn yr rei yr oedynt dryc·ysprydoed a|dieuyl yn atteb u+
dunt. Ar hynny nachaf yn|kyuaruot ac ef marchaỽc
urdaỽl ac yn dywedut ỽrth baredur. Arglỽyd heb ef ymch+
oel drachevyn. kanys nyt anghenreit ytt vynet hỽy
no hynn. achaỽs y bobyl o|r|wlat honn nyt ydynt ỽy yn
credu dim y duỽ. ac ef a uu reit ymi roi ransỽn yr cael
mynet drỽy y wlat a|wely di. kanys brenhines y wlat honn
yssyd chwaer y vrenhin orient. a|laỽnslot a|ladaỽd y bren+
hin hỽnnỽ myỽn bateil. ac a|ladaỽd y wyr. ac a|enniỻaỽd
y vrenhinyaeth. ac a|beris udunt gredu y duỽ. ac o|r ach+
aỽs hỽnnỽ y mae y vrenhines yma yn|gyn|greulonet ac
y|mae yn cassau pob cristaỽn. ac am hynny y mae gỽedy
| « p 268r | p 269r » |