NLW MS. Peniarth 11 – page 2v
Ystoriau Saint Greal
2v
yndi etto hyt hyt hediỽ ef a|aeth gỽynt ac ỽynt ymeith a dam+
chwein y keffit chwedyl byth am neb onadunt o|hynny allan.
ereiỻ o·nadunt a|las yn yr eistedua ac arueu. a|mi a|vynnỽn
heb y laỽnslot na|welei neb y ỻythyr hỽnn hediỽ yny|delei ym+
ma y neb bieu gorffen yr|antur hỽnn. Ac yna|lionel a|dy+
waỽt y gỽnaei ef na|s darỻeei neb ynteu y|dyd hỽnnỽ. a|dỽ+
yn ỻenn o bali a|oruc ef a|e thannv ar yr eistedua. A|phan
doeth arthur o|r eglỽys a|gwelet laỽnslot gỽedy dyuot a|e
gefyndyrỽ ygyt ac ef. A|chymeint vu y|ỻewenyd a|gyfodes
y·rỽng milwyr y vort gronn ac y|bu anghyuartal o acha+
ỽs dyuotyat bỽrt a|lionel y rei ny buassynt yr ys|talym o
amser kyn|no hynny yn|ỻys arthur. a gỽalchmei a|ofynna+
ỽd udunt a vuassynt iach a|ỻawen yr pan ymwelsynt diw+
ethaf. ac ỽynteu a|dywedassant eu|bot. Yna arthur a|dyw+
aỽt bot yn amser udunt vynet y vỽyta. Arglwyd heb
y kei. ef a|welit y mi pei elut ti y vỽyta yr aỽr·honn y tor+
rut dy gynnedyf. kanys aruer vu|gennyt eiryoet nat
elut y vỽyta ar bop uchelwyl yny delei ryỽ antur y|th
lys. Kei heb yr arthur gỽir a|dywedy di. a|r gynnedyf hon+
no a|gynhelyeis eiryoet hyt hediỽ. ac etto mi a|e kynha+
lyaf hyt tra|e gaỻwyf. Eissyoes kymeint vu vy ỻewe+
nyd o achaỽs laỽnslot a|e geuyndyrỽ ac na|doeth cof im
dim y ỽrth y deuot honno. delit y|th gof ditheu weithyon heb
A phan yttoedynt ỽyn* yn ymdidan veỻy. nachaf [ y kei.
yn|dyuot y|myỽn hyt rac|bronn y|brenhin gỽas ieuanc
telediỽ. Ac yn kyfarch gweỻ y|r brenhin. Arglwyd heb|ef peth
| « p 2r | p 3r » |