NLW MS. Peniarth 11 – page 46v
Ystoriau Saint Greal
46v
ac a|m gyrraỽd ymeith yn|dlaỽt ac a|m|didreftataỽd heb dru+
gared vyth o hynny aỻan. nac ỽrthyf|i. nac ỽrth neb oc a|vu
o|m|kytsynnedigaeth. Ac ueỻy y gyrraỽd y gỽr kyuoethaỽc vi
ymeith y|r|diffeith. ac ef a|wnathoed ym waeth no hynny pa+
ny|bei vy|synhwyr vy hun. kanys yr aỽr y|m|gyrrwyt j ymeith
minheu a|dechreueis ryuelu arnaỽ ynteu. ac a|enniỻeis
arnaỽ beth. ac a|dugum dalym o|e wyr y ganthaỽ. y rei a|e
gedewis ef ac a|doethant attaf inheu. kanys nyt oed dim o|r a
erchynt hỽy ymi nys rodỽn udunt. Ac ueỻy yd ỽyf a|nos a
dyd yn|ryuelu yn|y erbyn. ac yn|kasglu marchogyon urdoly+
on. ac amryuaelyon bobloed attaf. A gỽybyd di yn|ỻe gỽir
nat oes yn|y byt marchaỽc urdaỽl na gỽr da. ny pharwyf|i
gynnic vyn|da idaỽ yr bot yn bleit ym. ac am|glybot o·honaf
dy vot ti yn wr da y deuthum j yma. a|thitheu a|dylynt ner+
thocau pob morwyn o|r a|dreissit o orthrech. kanys vn o
gedymdeithyon y vort gronn wyt. a thi a|wdost vy mot j
ar y|gỽir. kanys pan rodes arthur dydi y eisted yndi. ti a
rodeist dy|lỽ yn gyntaf na|phaỻut vyth y wreic neu y vorỽ+
yn a|didreftedit o|nerth. Gỽir a|dywedy di heb·y peredur
y ỻỽ hỽnnỽ a|rodeis j a minheu a|e kynhalyaf. ac o|r achaỽs
hỽnnỽ myvi a|af y|th nerthu|di. Ac ueỻy y buant yn ym+
didan. yny yttoed gwedy hanner dyd. ac yna yr unbennes
a|dywaỽt y mae yma y pebyỻ teckaf o|r a|weleist di eirioet.
ac os mynny di mi a baraf y dynnv aỻan ual y gaỻom
eisted yndaỽ rac gỽres yr heul. Da yỽ gennyf|i hynny
heb y|peredur. Ac yna tynnu y pebyỻ a|orucpỽyt. a|hitheu
| « p 46r | p 47r » |