NLW MS. Peniarth 11 – page 58v
Ystoriau Saint Greal
58v
ac yn taraỽ hebdunt hyt yr aỻaỽr. Ac yna y|ỻaỽ a|difflan+
naỽd a|r goleuni hyt na wydyat yr vn o·nadunt ỽy pa|le
y difflannaỽd. Ac yna ỽynt a|glywynt lef yn dywedut
ỽrthunt. chỽchchỽi* varchogyon urdolyon ỻaỽn o dryc ̷+
cret. tlaỽt o obeith. Y tri pheth a|welsaỽch chỽi yr aỽr+
honn. chỽi a|ffaelassaỽch arnadunt. o|r achaỽs nat oes
y chỽi rann o|anturyeu seint greal. A|phan glywssant
ỽy hynny symlu a|wnaeth arnunt yn uaỽr. Ac yna gỽal+
chmei a|ouynnaỽd y|ector. a glyỽssei ef y parabyl a|dywe ̷+
dyssit ỽrthunt. kiglef heb ynteu. ac nys|dyeỻeis i ef. Myn
duỽ heb y gỽalchmei goreu kynghor oed yni am a|glyỽs+
sam ac a|welsam heno mynet y geissyaỽ ryỽ wr crevydvs a
wypei deaỻ ynn yn breudwytyon. ac ueỻy y buant ỽy yny vu
dyd yn ymdidan. a gỽedy dyuot y|dyd arnunt ỽynt a|aethant
att eu meirch. ac a|rodassant eu kyfrỽyeu arnunt. a|gỽedy
gỽisgaỽ eu harueu ỽynt a|gerdassant ymeith; a gỽedy eu
dyuot y|r|dyffyryn* ỽynt a|gyfaruuant a|gỽreang ieuanc
ar gevyn hacknei. Ac yna y gỽreang a|gyfarchaỽd gỽeỻ u+
dunt. ac ỽynteu idaỽ ef. Ac yna gỽalchmei a|dywaỽt. A un+
benn heb ef a|wdost di venegi yni pa|le y bo chweith kyfann+
ed y veudỽy. Gỽnn heb y gỽreang. Ac yna troi y lỽybyr by+
chan a|wnaethant ar y ỻaỽ deheu udunt. Y ỻỽybyr hỽnn heb
ef a|ch dỽc chỽi hyt yn ty meudỽy yr hỽnn yssyd myỽn my+
nyd bychan. Eissyoes bit dieu y chỽi na eỻỽch vynet yno ar ̷
aỽch meirch. Bendith duỽ ytt heb y gỽalchmei. Ac yna y
gỽas a|drosses o|e fford. ac ỽynteu a|gerdassant y ỻỽybyr. a
| « p 58r | p 59r » |