NLW MS. Peniarth 11 – page 89r

des y gỽregis ỽrth y cledyf ual yd oed da digaỽn y gỽedei idaỽ. Ac

yna hi a|dywaỽt. arglwydi heb hi. a|wdaỽch chỽi pỽy henỽ y cledyf

hỽnn. A|unbennes heb ỽynteu nys|gỽdam ni. namyn med y ỻyth+

yr tydi bieu roi henỽ idaỽ ef. Arglỽydi heb hitheu minneu a rodaf

henỽ idaỽ. y cledyf a|r|gwregis estronaỽl. Gỽedy daruot hynny

ỽynt a|dywedassant. galaath heb ỽy. yr|duỽ gỽisc ymdanat

cledyf yr odidaỽc wregis yr hỽnn a|damunwyt y welet yn vyn+

ych yn|ỻoegyr. Gedỽch ym heb·y galaath edrych a aỻwyf gaeu

vyn|dỽrn arnaỽ. ac ony|s gaỻaf. nyt meu j dim ohonaỽ. Gỽir yỽ

hynny heb ỽynteu. Ac yna ymafael a|r cledyf a|oruc galaath a

chaeu y dỽrn arnaỽ ual yr oed y vaỽt yn taraỽ dros y berueduys.

P an weles y kedymdeithyon hynny ỽynt a|dywedassant ỽrth

galaath. arglỽyd heb ỽynt y cledyf yssyd deu di. ac am

hynny gỽisc ymdanat. Sef a|wnaeth galaath yna y dynnv aỻ+

an ual yr|oed baỽp yn ryuedu y eglurder. A gỽedy y ossot yn|y w+

ein drachefyn y vorwyn a|doeth ac a|dynnaỽd y cledyf araỻ a|oed

ymdanaỽ. ac a|gymerth y cledyf a|r odidaỽc wregis ac a|gỽisc  ̷+

aỽd am y ystlys. A|phan daruu idi hynny hi a|dywaỽt. Ny|m ta+

ỽr j beỻach heb hi pa bryt y mynno duỽ teruynu ar vy hoed+

yl. kanys rodes duỽ ym o ras kael gỽneuthur yn uarchaỽc

urdaỽl y goreu o|r hoỻ vyt. kanys bit dieu ytti nat yttoedut

yn uarchaỽc urdaỽl kỽbyl yny gaffut y cledyf hỽnn. A unben+

nes heb·y galaath. ti a|wnaethost gymeint ac yd|wyf uarchaỽc

urdaỽl i ytti pa|le bynnac y bỽyf. a|duỽ a|dalo ytt am dywedut ueỻ+

y. arglỽydi heb hi nyni a|aỻỽn vynet pan y mynnom odyma

a|r ysgraff. Y duỽ y diolchaf i heb·y peredur vy mot i ỽrth or+

ffen