NLW MS. Peniarth 11 – page 90v

ny adei wneuthur arnunt y ỻadua honn. Ac agatuyd pobyl angcre+

dadun ynt. ac a|wnaethant ryỽ gamweithret yn erbyn duỽ yn gyme+

int ac na mynnei ef udunt hỽy eu bywyt mỽy. ac am hynny duỽ a|n

anuones ninheu yma o|e diuetha|ỽy. Bỽrt heb·y galaath nyt da dyw+

edut ueỻy. kanys pei|gỽnelynt ỽy gam yn erbyn duỽ. nyt y|n ỻaỽ

ni yd oed y dial. namyn yn ỻaỽ y neb a|at y|r pechadur ymaros yn+

y adnapo y bechaỽt. ac yny wnel pennyt drostaỽ. ac am hynny ny by+

daf|i laỽen vyth yny wypỽyf wirioned am eu|buched. ac ual y byd+

ant yn ymdidant ueỻy nachaf wr prud yn dyuot o ystaueỻ. a gỽisc

offeiryat ymdanaỽ. a chorff y arglỽyd y·rỽng y dỽylaỽ. a phan weles

ef y kalaned ef a symlaỽd arnaỽ yn uaỽr. ac a|gilyaỽd drachefyn

megys dyn ac ofyn arnaỽ. ac y·gyt a|hynny heuyt na|wydyat beth

a|daroed udunt. a|galaath yna pan weles y caregyl y·rỽng y|dỽylaỽ

a dynnaỽd y helym y am y benn. ac a|erchis idaỽ na|bei arnaỽ

vn ofyn. Ac yna yr offeiryat a|ovynnaỽd y galaath. Ac yna yr|offe+

iryat a|ovynnaỽd y galaath pa rei oedynt. ac ynteu a|dywaỽt pa+

nyỽ o lys arthur yd hanhoedynt. Pan gigleu y gỽrda hynny di+

ogel uv ganthaỽ. ac yna galaath a|beris idaỽ eisted yn|y ymyl.

a|dywedut a|oruc ef y|r offeiryat y gyfrangk o|r dechreu hyt y|diwed.

Pan gigleu ynteu hynny ef a dywaỽt. arglỽydi heb ef. gỽybydỽch

chỽi yn ỻe gỽir ry wneuthur o·honaỽch y gỽeithret goreu o|r a

wnaeth marchogyon urdolyon eiryoet. a|phei bydewch ˄byỽ chỽi hyt

dyd·braỽt ny thebygaf|i gaỻel o·honaỽch gỽneuthur alwyssen

kymeint ac a|wnaethaỽch hediỽ. kanys nyt oed yn yr hoỻ vyt dyny+

on kyn gasset ganthunt yn arglỽyd ni iessu grist. ac oedynt gan

dri broder a|oedynt yn kynnal y kasteỻ hỽnn. ac rac eu|drycket