NLW MS. Peniarth 15 – page 51

drawd meidrawl araf Eennyn geli yn olevni loẏwne|hevl|haf Serchawl

dirryev y|n|ssẏnnhwẏrev serch synnhwyraf ffyrva weindẏt. yn knawt dẏbrẏt

knẏ* dybrẏttaf kadarnnhaa ni rac traha. trwẏ|r|nerth hytraf. Pell yrr

elyn y|wrth bop dẏn dẏnẏawl anaf. Dẏro hedwch ym* drwẏ elwch o|dro

alaf val y|gallom ochel pob som symvt waethaf. Pob argywed a

phob dryged dreic arwraf Dyro wẏbot ẏ|tat drwot dro dwywolaf a|r

mab gwẏnnvẏt tir glan ysprẏt ysprydolaf. Molẏant mawrred y|r tat

rẏssed rwysc adwynhaf Mawl dilester* ẏ vn mab meir morwẏn dec+

kaf Ac anvonet mab arglwẏd kret kreawdẏr pennaf. Yn annwyldan

yr yspryt glan glein annwylaf Amen. Ac odẏna ymdẏro ẏ|ymgarv

a|r mab gwẏnnvydic o|th holl nerthoed yn vn|wed a|phei|bẏdei ef yn

gorfforawl yrwg dẏ vreichev ẏnẏ glẏwych o|nerth y|serchawl garyat hwn+

nw y|rẏw|ber verwindeb ẏn|ẏ giev a|r gwythev Ac ar hẏt yr holl gnawt

Ac ẏn|ẏ mẏnwgyl megẏs golvsgẏon o|dileev mel kynnteit Ac ẏn|y gal+

lonn megẏs digrifserch waryev yn peri idi megẏs pergaroli neu per+

hopyein o nerth digrifwch ẏ|per annwlserch garyat hwnnw Ac yna

gwybyd y|mae man|wrychẏon yr yspryt glan a|dẏwetpwẏt vchot y|ry|vot

ẏn ẏsgeinnyaw o|ardyrchafẏat gwefvussev y|kyssegredic vab ysyd yn dyvot

y|th|v·ynwgyl a|th|dwẏvronn Ac y|mae manwlith yr yspryt glan a|dẏwet+

pwyt vry yr|oed yn gwanegv megẏs man|dagrev o|e rvdellẏon lygeit

ysẏd yn|dyvot y|th gallonn Ac ymdẏro yn vwy y|r per garyat hwnnw

drwẏ dẏgẏnlvt ymwascv a|r karyat·vab kẏt boet trahavs ẏ|neb ve+

dylẏaw ymwascv Ac ef. Eissoes coffa vot ẏn vwẏ y|kar y|serchawl

drvgared ef ymwascv a|thi·di y|th garv noc y|gellych di vydylyw

ymwascv a|e garv ef Ac yna coffa yn hẏspẏs na|throho dy|vedwl ar

neb·ryw beth knawdawl nac ar dim arall onẏt arnaw ef e|hvn A hẏt

y|gellech* lvtaf galw ar yr enewev dirgedigẏon hẏnn drwẏ y|gwir

serchawl adoli yn|dy|vedwl a|chredv yw y gwrthẏev. Messias et Sother

~ Emanuel ~ tetragramton ~ Sabaoth ~ adonay ~ alpha ~

omega ~ agyos ~ Amen ~ allelvia ~ a|thrwẏ dẏgynlvt serchawl alw

ar y|sercholyon enewev hynny ymdẏro etwa a|vo mwy y|garveidserch

y|nefawl·vab hyt ẏnẏ glẏwẏch yn dy|gylch adwynber aroglev ystor

yn|kyfvlewni holl synnwẏr dy|ffroennev a|th holl eneit o|digrifwch

y safwyr hwnnw Ac yna gwẏbẏd rẏ|dyvot yr ysprydawl anadyl

ef attat ti ẏnẏ wyppẏch y|vot ef yn gorfforawl ẏgyt a|thi kynn

ny|s gwelẏch Ac yna dygynlvt alaw* ar yr enwev o|gwbyl ewyllys

ynẏ sẏrthyo arnat vynnych berlewychvaev yn dissymwth hẏt

na mynnvt da ẏ|byt oll hebdvnt. Ac yna onẏ ellẏ amgen rac rẏw