NLW MS. Peniarth 15 – page 52

serchawl garyat alw ar yr enwev oll galw byth ar yr enw bendigedic

hwn Yessv ~ vn mab meir wyry ~ Ac yna o|chlẏwy y|ryw gannv+

ev digrifyon per araflef. gwebyd y|mae y|engẏlyonn a|e kanant Ac o|gwelẏ y|ryw

ganneitwen wybren yn deissyvẏt yn kyflewni dy holl olwc a|th oll gallon o ad+

wynserch tragywydolder bẏwyt yn vwch yn disgleiraw megẏs llvchaden

gwybyd y|mae ef e|hvn ẏn|ẏsprẏdawl orvoledvs gnawtolder ẏsyd ẏno Ac ẏna

dẏgynlvt alw byth ~ yiessv* ~ vn mab meir wyrẏ ~ ẏnẏ syrthẏo arnat

per|varwhvn digrifolos* o|r mynẏchẏon berlewycvaev a|racdẏwetpwẏt ac ẏna

o|gwely ẏn|ẏ varwhvn honno megẏs hvn arall perarafach no|r hvn gyntaf

ẏn dẏvot ytt gwybyd dy|vot odieither dẏ gnawtolẏaeth yn|ysprydawl hvn

dwyvrwẏt Ac yna o|daw kof ytt rac per|digrifvwch yr hvn honno galw

o|th serchawl|vrẏt ac* ~ yiessv ẏnẏ* dẏ|vedwl kẏn·nẏ ellych ẏ|dẏwedvt ac

ẏna o|gwelẏ dybygẏ di dy|vot yn caffel ẏn|ẏr hvn honno hvn arall dri·brwẏt

a|vo perach Ac arafach nogyt y|rei ereill yna ymdẏro oll y|r yspryt a|r

weledigaeth a|welych yn honno kywir vyd kanẏs y|gan yr yspryt glan

i|daw Ac nyt reit y|mynegi ẏ|neb onnyt y|gifrinachvs getymdeith o|grefẏ+

dwr na|bocsachv amdanei rac na|del yr eilweith a|r hvn honno a|elvir hvn

vvdvgawl kanẏs bvdvgolyaeth yw y|chaffel a bvdvgawl yw y|r|neb

a|e caffo. Yr amser pennaf ẏ|dẏlẏhẏch y|cheissẏaw yw dyw sadwrn wedẏ

hanner nos yn|lvt ar ẏ|dẏd nev yg|kẏfrwg y nos a|r dẏd wedẏ rẏ|ymba+

ratoych kẏn no hẏnny o|vn·prẏt A|gwediev dvw gwener a|dyw sadwrn

a|thrwy lan gyffes ymrodi y|r drindawt gyssegredic o nef Ac odẏna y|dyd hwn  ̷+

nw nyt amgen dvw svl kymer gẏmvn corff crist a|r nos honno o|anrydyd

y|drindawt Ac o|nerth a|gwyrthyev corff crist agatẏvẏd ti a|geffẏ hvn aarall

berach no honno a|gwe˄ledigaeth a|vo perffeithyach Ac odyna diolwch y|r drin+

dawt gan dywedvt y|geirev vrẏ nyt amgen. Molyant gogonnant kymer

hwnnw yn dechrev y|lyvfyr ~ ~ ~

D ywetter bellach am nawrad engylyon ~ a|phwy a kyfflev ym·pob vn o|r gradev

hẏnnẏ Engẏlẏon yn efrei a|elwir Malaoth Sef yw hẏnnẏ yn kymra  ̷+

ec kennadev kanys kennatahv a|mẏnegi ewẏllẏs dvw a|wnant y|r bobyl

Naw·rad a|dẏweit ẏr ysgrythvr lan y|bot o|r egylẏon nyt amgen Engy+

lyon Archegẏlẏon kadeiryev Arglwydiaethev. Tywyssogaethev Medẏ+

annev. Nerthoed. Chervbin a|saraphin. Engylẏon a|vanagant y|dẏnẏ+

on negessev bechein a|r·y|archer vdvnt ẏ|mẏnegi. a|chyt ac wynt y

kyfleheir dẏnyon a|wyppont ychydic o|bethev dwywolẏon Ac a|discont

hynnẏ yn geredic drvgarawc y|ereill Archegylyon tywyssogyon yr egy+

lyon ynt kanẏs y|pethev mwyhaf a|vana·gant a|rei o·honvnt a|gawssant

enwev wrth y|gwassannaethev megẏs y|tri hynn Michael Gabriel.