NLW MS. Peniarth 19 – page 36r
Brut y Brenhinoedd
36r
141
menegi y ulkessar yn bot ni
yn baraỽt y ymlad dros yn
gwlat a|n rydit. a thros y deyrn+
as. os efo a|geissei dyuot y ynys
brydein megys y gogyfadawei.
A Gwedy datkanu y ỻythyr
y ulkessar kynuỻaỽ ỻyg+
hes a|wnaeth ynteu ỽrth dỽyn
ar weithret yr ymadraỽd a an+
uonassei yn|y lythyr att gasw+
aỻaỽn. A gỽedy kaffel damune+
dic wynt. drychafel eu hỽyleu
a|wnaethant a|dyuot y aber
temys y|r tir. Ac yna y doeth kas+
swaỻaỽn a hoỻ gedernyt ynys
brydein ganthaỽ yn eu herbyn.
y am veli tywyssaỽc y ymladeu
a|e benn·teulu. a|e deu nyeint.
a·varỽy tywyssaỽc ỻundein. a
theneuan tywyssaỽc kernyỽ. a
chridu brenhin prydein. a gỽar+
thaed brenhin gỽyned. a brith+
ael brenhin dyuet. ac y am
hynny Jeirỻ a barỽneit a mar+
chogyon urdolyon. Sef y kaỽs+
sant yn eu kyghor kyrchu ul+
kessar yn|y bebyỻeu kynn y dy+
uot y|r wlat. kann tebygynt
bot yn anhaỽs y|ỽrthlad gỽedy
kaffei ae dinas ae dinas ae kasteỻ. A gỽe+
dy ỻunyaethu eu bydinoed. kyr+
chu gỽyr ruuein y|r pebyỻeu
yn diannot a|wnaethant. ac yna
y bu gymeint y vrỽydyr ac yd
yttoed y tyweirch yn redec gan
142
y gwaet. Megys pei delei deheu+
wynt. yn deissyfyt y dodi eiry
a reỽ. ac ual yd oedynt yn yr
ymfust hỽnnỽ. y kyfaruu y
vydin yd oed nynyaỽ uab beli
braỽt kasswaỻaỽn. ac a·varỽy
uab ỻud y nei yn|y ỻywyaỽ
a bydin ulkessar. a ỻinyaru
a wnaeth bydin yr amheraỽ+
dyr. ac ar hynny y kyfaruu
nynnyaỽ ac ulkesar. a dir+
uaỽr lewenyd a gymerth nyn+
nyaỽ yndaỽ am damchwein+
yaỽ idaỽ kaffel ymgyfaruot
a|gỽr kyfurd a hỽnnỽ. ac yn
diannot ymgyrchu a|wnaeth+
ant. A phan weles ulkesar
nynyaỽ yn|y gyrchu a|cledyf
noeth. Troi y daryan yn wychyr
gyflym a|oruc ac erbynyeit y
dyrnaỽt arnei. ac megys y ga+
daỽd y nerthoed idaỽ gossot
a|wnaeth ynteu a|chledyf ar
nynyaỽ ar warthaf y helym.
a|cheissyaỽ yr eil yn gyflym
mal y bei agheuaỽl. A phan
weles nynyaỽ hynny. erbyny+
eit y dyrnaỽt a|oruc ar y dary+
an. A chymeint vu y dyrnaỽt.
ac ny lynaỽd y cledyf yn|y
daryan. ac rac ruthyr y bydi+
noed yn tewhau am eu penn.
y bu reit y|r amheraỽdyr adaỽ
y gledyf yn|y daryan gan nyn+
yaỽ. a gỽedy caffel o nynnyaỽ
| « p 35v | p 36v » |