NLW MS. Peniarth 19 – page 92r
Brut y Brenhinoedd
92r
413
eisteduaeu. Ac odyna pan yt+
toed y racdywededic creulaỽn
hỽnnỽ yn kyrchu bangor. a|r
brytanyeit yn|clybot y greulon ̷+
der ef a|e ynvytrỽyd. eu tywysso+
gyonn a ymgynuỻassant ygkyt
o bop ỻe. Nyt amgen. bledrus
tywyssaỽc kernyỽ. Maredud
vrenhin dyuet. Katuan uab
Jago brenhin gwyned. a|dechreu
ymlad a|wnaethant. ac ar hynt
kymheỻ edylfet ar fo yn vrath+
edic. gỽedy ỻad o|e lu chwe|gỽyr
a thrugeint. a deg|mil. ac o barth
y brytanyeit y dygỽydaỽd bledrus
tywyssaỽc kernyỽ y gỽr oed ben+
naduraf ar yr ymlad hỽnnỽ.
Ac odyna yd ymgynnullassant
hoỻ tywyssogyon y brytanyeit
hyt yng|kaer ỻeon. ac o gytuun+
deb ỽynt a urdassant gatuan
uab Jago vab beli yn urenhin
arnadunt. ac erlit edylfet drỽy
A Gỽedy coronha +[ humyr.
u katuan uab Jago o go+
ron y deyrnas. ymgynuỻaỽ a|o+
rugant y brytanyeit yn llỽyr
attaỽ. ac yn gyttuun yd aethant
yn ol edylfet drỽy humuyr. A
phan gigleu edylfet hynny. yn+
teu a gynhuỻaỽd y holl saesson
attaỽ. Ac odyna mal yd oedynt
o bop parth yn bydinaỽ y doeth+
ant eu kedymdeithon y·rygthunt
a gỽneuthur tagnefed y·rygthu+
nt
414
ar y wed honn. Gadu y edyl+
fet y parth draỽ y humyr. ac
y gatuan y parth yma. nyt
amgen. ỻoegyr. a chymry a
chernyỽ. a choron y deyrnas.
a chadarnhau hynny drỽy
aruoỻ a|gỽystlon. A gỽedy
daruot hynny kymeint vu
y gedymdeithyas y·rygthunt
ac yd oed gyffredin pob peth
y·rygthunt. ac odyna y dar+
uu anosgymot y·rỽng edyl+
fet a|e wreic briaỽt. a|chyme+
int vu y gas arnei. ac yny
deholes o|e gyuoeth. a chym+
ryt gỽreic araỻ a|oruc ynteu.
a beichaỽc oed wreic edylfet
yna. a hyt att gatuan y kyr+
chaỽd y kyrchaỽd y geissyaỽ
gan gatuan y chymot hi a|e
gỽr. A gỽedy na chaffei hi o
neb·ryỽ ford gymot trigyaỽ
a|oruc hitheu yn|ỻys gatuan
yny anet mab idi. ac yn|y lle
gỽedy hynny y ganet mab
y gatuan o|e wreic ynteu. ka+
nys yn yr vn amser yd oed y
dỽy wraged yn veichogyon.
ac odyna y deu uab a uagỽyt
yn|y mod y dylyit meithryn
eu kyfryỽ. a mab katuan a
elwit kadwaỻaỽn. a|r ỻaỻ a
elwit etwin. A gỽedy eu bot
yn weissyon Jeueingk ỽynt
a|anuonet hyt att selyf vrenhin
| « p 91v | p 92v » |