NLW MS. Peniarth 190 – page 119
Ystoria Lucidar
119
discipulus a ymgyfadnebyd yr eneideu yno. Magister Yr
eneideu gỽirion a|adnabydant yr|hoỻ
rei gỽirion o enỽ a chenedyl. ac eu gobrỽ+
yon. megys pei bydynt oỻ y·gyt eiryoet.
ac ỽynt a|adnabydant eneideu y rei
drỽc yn gymeint ac y|gỽdant. pa|achaỽs
y mae paỽb ohonunt yno. a|r rei drỽc
a|atwaenant y rei drỽc ereiỻ. ac a|wd+
ant enweu y rei gỽynuydedic. val y
gỽybu y kyuoethaỽc enỽeu y kyuoe+
thaỽc a|lazar. discipulus A wediant ỽy yr enei+
deu dros eu kereint. Magister Y rei gỽirion
a wediant dros y rei a|garassant yn|yr
arglỽyd. neu dros y rei a|alwei arnunt
o|e diffryt rac drỽc. ac o|e rydhau o bro+
uedigaeth y byt. ac o|e hemendau ot
ydynt y|nghyueilyorn. megys y delynt
att eu kedymdeithyon ar|hynt. discipulus Pa delỽ
y gỽediant ỽy. Magister Eu damunet ỽy vyd
eu gỽedi. kanys beth|bynnac a|damun+
ont ỽynt a|e kaffant yn diannot. ac eu
gỽedi ỽynteu yỽ presentyaỽ y grist poen+
eu
| « p 118 | p 120 » |