NLW MS. Peniarth 190 – page 140
Ystoria Lucidar
140
meỻdigedic gynt yn|dỽyn yspydat a drys+
sỽch yr arglỽyd a|e bendicka. ac ny byd na ̷
ỻauur na dolur ar neb vyth o|hynny aỻan.
discipulus Ti a|m kyflenweist i o daoed dy synhỽ+
yr di. arglỽyd a|dywedy ditheu weithyon
ymi pa ryỽ gyrff a vyd y|r seint. Magister Gloeỽ+
ach vydant seith·weith no|r heul. ac amys+
gaỽnach no medỽl o vuander. discipulus Ym pa oet
neu ym pa vessur y bydant ỽy. Magister Ef a
dywedir mae yn|yr oet a|r amser y kyuodes
crist o veirỽ. Eissoes ual y mae digrif yma
gỽelet y gỽyr a|r gỽraged a|r|dynyon byrry+
on. a|r rei hiryon. ef a gredir bot yn|digrif+
ach o|lawer gỽelet pob gosged yn wyr ac
yn wraged yn eu|hoetran ac yn eu messur
e|hun. megys y mae digrif gỽarandaỽ
amryuaelon leisseu yn|yr organeu ac
yn|y tanneu. ac am hynny mỽyaf y
credir kyuodi paỽb ac ymdangos yno
yn|yr oet ac yn|y messur y damchweinya+
aỽd udunt vynet odyma. discipulus Ae yn noe+
thon ae yn wisgaỽc y bydant ỽy. Magister Noe+
| « p 139 | p 141 » |