NLW MS. Peniarth 190 – page 148
Ystoria Lucidar
148
y seint. discipulus O rydit y|seint. Magister Rydit cesar aỽ+
gustus a|vydei geithiwet ganthunt ỽy. ka+
nys ef a aỻỽyt daly hỽnnỽ a|e rỽymaỽ a|e
gloffi. kymeint yỽ eu rydit ỽy ac y gaỻant
mynet drỽy bop peth. ac nat|oes greadur
a aỻo eu hattal. megys na aỻaỽd y bed at+
tal corff yr arglỽyd hyt na chyuottei y uyny.
ac na aỻỽyt y ludyas y myỽn a|r drysseu
yn|gaeat. a|chynhebic vydant ỽynteu idaỽ
ef. a ỻyna Rydit y seint. discipulus O ewyỻys y
seint. Magister Drythyỻỽch selyf a vydei drueni
yno ganthunt ỽy. owi o|r ewyỻys a gaff+
ant ỽy. pan vo duỽ ffynnaỽn yr hoỻ dao+
ed yn peri udunt eu gỽaly. a deu wynuy+
dedigrỽyd yssyd. vn yssyd lei ym paradỽys.
ac araỻ yssyd vỽy yn teyrnas nef. a chan+
ny phrouassam ni yr vn o·nadunt ỽy etto
ny aỻỽn ni gyffelybrỽyd amdanunt ỽy.
Namyn deu ryỽ drueni yssyd. vn yssyd lei
yn|y byt hỽnn. ac araỻ yssyd vỽy yn uffern.
a chanys peunyd y provỽn ni y neiỻ o+
nadunt ỽy. ni a|wdam rodi kyffelybrỽyd
| « p 147 | p 149 » |