NLW MS. Peniarth 190 – page 251
Penityas
251
neu o ganhorthỽy. neu o ba vod bynnac
drỽy gynghoruynt. y gỽnelei. O|r bu hewr
anghyttundeb. Ony mynnaỽd dysgu araỻ.
neu y angkreifftyaỽ neu y rybudyaỽ y
ymoglyt rac drỽc neu y geissyaỽ da. O
cheỻweiryaỽd neb neu os gỽattwaraỽd
drỽy gynghorvynt. Am gebydyaeth.
O cheissyaỽd yn anghyfyaỽn dim drỽy
gebydyaeth. neu ledrat. neu dreis. neu
gamwed araỻ. ac o chyt·synnyaỽd a ỻadron
nac a threisswyr. O|r bu chwannaỽc yn keis+
syaỽ da. O|r bu haelfflons yn rodi. neu gyr+
rith yn attal. O|r kelaỽd da a echwynnit idaỽ.
neu a|rodit attaỽ o|e gadỽ. neu os attalaỽd
ym mod yn|y byt. O chelaỽd peth a gaffei
ar y fford. neu os trosses yn|y aruer e|hun.
Ony thalaỽd drỽy y attal eu kyflogeu y|ỽ
gyflocweissyon. Onyt echwynnaỽd yn ỻaỽ+
en. Ot echwynnaỽd ar usur. O|r gỽnaeth sy+
moniaeth yn neb·ryỽ vod. Sef yỽ hynny gỽ+
erthu neu brynu peth ysprydaỽl. O thỽyỻaỽd
| « p 250 | p 252 » |