NLW MS. Peniarth 32 (Y Llyfr Teg) – page 147
Llyfr Iorwerth
147
a charnỻif; pedeir keinhaỽc kyfreith. o bop vn. Gỽerth
breuan·ty; punt. ar bop maen idaỽ; trugeint.
ar y heyrn; trugeint. ar y wyd; trugeint. ar
y ty; trugeint. Breuan; pedeir keinhaỽc kyfreith.
Dỽy ar pob maen. ar y breuan vỽth; pedeir keinhawc.
kyfreith. Bỽa a|deudec saeth; pedeir keinhawc. kyfreith. Gỽayỽ;
pedeir keinhawc. kyfreith. Aryf vỽyaỻ; Dỽy keinhawc. kyfreith. Cledyf
o|r byd breulif; deudec keinhawc. O|r byd grỽmseit;
vn ar bymthec. O|r byd gỽynseit; pedeir ar|hu+
geint. Taryan; ỽyth geinhaỽc. O|r byd calch
lassar neu eurgalch; pedeir ar|hugeint. Gỽerth
kyfrỽy; ỽyth keinhawc. kyfreith. Frỽyn eureit; ỽyth keinhawc.
kyfreith. frỽyn aryanneit; chwech keinhawc. kyfreith. Frỽyneu
ereiỻ stanneit. neu euydeit. a dulys. keinha+
ỽc kyfreith. Rei a adant ỽrth vreint y kyfrỽy y
dỽy warthafyl. a|r teir kegyl. Ereiỻ a adant
werth kyfreith. arnadunt. Sef yỽ hynny; gỽarth+
afleu o|r bydant eureit. wyth keinhawc. kyfreith. O|r bydant
aryanneit; chỽech keinhawc. kyfreith. O|r|bydant staeneit.
neu euydeit. neu dulis; pedeir keinhawc. kyfreith. Bron+
gengyl; vn gerdet a|gỽarthafyl yỽ. Y dỽy dor+
gegyl. dỽy geinhawc. kyfreith. Suder; pedeir keinhawc. kyfreith Panel
kynhỽgyl. a chanuil; keinhawc kyfreith pob vn. Panel
ỻiein; dỽy geinhawc. kyfreith. Hossaneu maỽr; ỽyth keinhawc kyfreith.
Pỽy* hossyanas; chwech keinhawc. kyfreith. Dỽy stiaỽs;
pedeir; keinhawc. kyfreith Botesseu kynhyglaỽc; pedeir|keinhawc.|kyfreith.
| « p 146 | p 148 » |