NLW MS. Peniarth 32 (Y Llyfr Teg) – page 189
Llyfr Iorwerth
189
kyfreithaỽl o·honaỽ. a phaỻu; dygỽydet e|hun yn|yr agkyfreith.
a yrrei ar y ỻaỻ O|deruyd. y dyn rodi peth y araỻ. a
mynnu y amlyssu herỽyd nat oes vach. ac yn
adeuedic y rod; kyfreith. a|dyweit na|dylyir y amlyssu. ac
nat|racdaỽ ef y mae reit mach; namyn rac y am+
lyssu o araỻ Pob kyttir a|dylyir y gynhal a ỻỽ
ac a|da. gỽedy ranner y tir; ny dyly neb talu dros
dir y gilyd. Paỽb o·nadunt hagen a|dylyant kyn+
nal tir y gilyd. oc eu ỻỽ hyt yn|oet brodyr. a chef+
ynderỽ. a chyuerderỽ. a phỽy|bynnac o·nadunt
nyt el yn|y reith honno. ac o|r achaỽs hỽnnỽ coỻi
y tir; eniỻent y tir y|r neb a|e coỻes oc eu negydya+
eth ỽy y|r ỻỽ. Ny dylyir rannu tir o gyuerderỽ
a ỻan. a channy dylyir rannu; ny dyly neb cadỽ
rann y gilyd o hynny aỻan nac o lỽ nac o|da.
O|deruyd. bot mab y wreic vut; nyt reit y|genedyl y
dat na|e wadu na|e gymryt; kanny dyweit hi y
vot ef yn eidunt ỽy. wedy bo marỽ y vam; yn+
teu e|hun a eiỻ ymyrru ar y genedyl. ac yna y
mae reit ae y|wadu ae y gymryt. O|deruyd. geni dyn
ac aelodeu gỽr a rei gỽreic ganthaỽ. ac yn petrus
o ba vn yd aruerho. Rei a dyweit panyỽ herỽyd y
mỽyaf yd aruerho y kerda y vreint. Os o bop
un yd aruerha ynteu; kyfreith. a|dyweit dylyu o·honaỽ
kerdet ỽrth y breint uchaf. Sef yỽ hỽnnỽ breint
gỽr. ac o|r beichogir ef; dylyu o·honaỽ kaffel tref·tat
| « p 188 | p 190 » |