NLW MS. Peniarth 32 (Y Llyfr Teg) – page 236
Breuddwyd Pawl
236
uyn y|r agel pỽy oet y rei hynny. a dywedud
a wnaeth yr agel. y rei nẏ obeithassant yn duỽ.
ac ny bu gred yndunt. a|dywedud a|wnaeth pa+
ỽl. py ueint yỽ dyuyndyr y lle hỽn. ac atteb a
wnaeth yr angel. anuessuredigaeth o dyuynder yssyt
yn|y lle hỽn yr eneid yn|y pydeỽ hỽn kymerwi a
wna. ac ny byt adwared idaỽ gyr·bron ẏ deẏrnas.
A phan gigleu paỽl hynny. ỽylaỽ ag|ucheneidaỽ
a|wnaeth. a|dywedud a|wnaeth yr agel. beth y
ỽyly di ar dynaỽl genedyl. ae mỽy dy
drugaret di. no. thrugaret mab duỽ. yr
hỽn a|deuth y brynu kyuyaỽnnon y byd. ac
y adaỽ y bop un y briaỽd ywyllus. ac amser
y bynydyaỽ. a gwedy hynny y gwelsant lle a+
rall aruthur yn yr hỽn yr oet auon uaỽr yn
llosgi. A|gwyr a gỽraget yn bỽyta y tauodeu.
a phryued yn|y bỽyta hỽynteu. ac. ỽylaw. a|wnaeth. pawl. a
gouyn. a|wnaeth. ef pỽy y rei hyn. a dywedud a|wnaeth
yr agyl. y rei hyn a|drymygassant y gỽetwon.
a|r ymdiueid. ac a|wnaethont ockyr. ac ny
buont drugaraỽc. a|than yn llosgi y neill
hanher vdunt. a|r haner arall yn rewi. ac
y gwelynt luossogrỽyt o dynyon ac amraly*+
on vỽydeu yn|y kylch. ac ny ellynt gymryd
dim o·honaỽ. a gouyn. a|wnaeth. pawl. y|r. agyl. pỽy ynt
y rei racco. y rei a dorrassant eu himpryd kyn+
| « p 235 | p 237 » |