NLW MS. Peniarth 32 (Y Llyfr Teg) – page 36
Llyfr Iorwerth
36
yd oed uach. kanys adefedic oed ef. ny eỻir y wadu.
Chwechet yỽ rodyat ar y rod. Sef ual y mae. o|r
dyry dyn peth y deudyn. a|dywedut ymi. y minneu
y rodet ef. geir yỽ y eir ef py|diỽ y rodes py|diỽ ny|s ̷
rodes. Seithuet yỽ morỽyn am y gỽyrdaỽt. Sef
ual y mae. o|r dygir morỽyn lathrut. a|gỽedy yd
elher y|r diffeith a hi. a|chyn bot genthi o|r|gỽr.
gouyn o·honei hi idaỽ ef. beth a rody di ymi. ac
yna meintoli o·honaỽ ynteu py veint a rodei
idi. a|gỽedy hynny bot yn ediuar ganthaỽ ef
hynny; kyt as gỽatto ef. a hitheu yn|gyrru. geir
yỽ y geir hi yna. Wythuet yỽ bugeil trefgord.
o|r ỻad ỻỽdyn dyn lỽdyn dyn araỻ. a mynnu y
holi; geir yỽ geir y bugeil yna py lỽdyn a|e ỻad+
aỽd. Naỽuet yỽ ỻeidyr ỽrth y|groc am y gyt·la+
dron. O|deruyd idaỽ ef dywedut bot dyn yn
gytleidyr ac ef am y ỻedrat y dihenydyer ef am+
danaỽ. a|e gadarnhau o·honaỽ yr agỽed yd aeth
duỽ yndaỽ. ac y|mae ynteu yn mynet idaỽ.
geir yỽ y eir ef yna. ac ny eỻir gỽat yn|y erbyn.
ac ny byd eneit·uadeu y|gyt·leidyr yr hynny.
namyn y vot yn ỻeidyr gỽerth. kany|dylyir
dihenydyaỽ neb yr geir dyn araỻ. ac ny chaffer
O Deruyd y wreic bot rod +[ dim yn|y laỽ.
yeit arnei. idi adaỽ y hegwedi. y dyly vot
hyt ym·penn y seith mlyned. ac o|r byd teirnos
| « p 35 | p 37 » |