NLW MS. Peniarth 32 (Y Llyfr Teg) – page 43
Llyfr Iorwerth
43
thaỽ y mab. kanys. kyfreith. a dyweit na|dyly hi kaffel
coỻet o achaỽs y|gỽr ny chafas y vỽynant. ac
ỽrth hynny y dyly ynteu meithrin y mab. O|deruyd.
y wr yscar a gwreic. a hitheu yn veichaỽc pan
yscarer a hi. Gatter o|r pan yscarher a hi hyt
pan agho yn|ỻe hanner blỽydyn o veithryn y
mab. a gỽedy ganher y mab; hitheu eilweith
bieu y veithrin ef hyt ympenn y vlỽydyn
mynho na|uynho ys dir idi y veithryn yr da
y|gan y|gỽr. Sef yỽ messur y|da; buch vlith. a
pheis a|dalho pedeir keinhaỽc. a phadeỻ a|dal+
ho keinhaỽc. a|charreit o|r yt goreu a|dyfho
ar tref·tat y gỽr. a hynny yr y veithryn vlỽydyn.
hitheu e|hun bieu y veithryn ef hanner blỽy+
dyn. ac o hynny aỻan ny eỻir arnei gymheỻ
y veithryn. namyn y rann e|hun. o·ny|s|myn
e|hun. ac o hynny hyt ympenn y pedeir bly+
ned ar|dec y|deuparth ar y tat o|r meithryn
a|r traean ar y vam. Ac ympenn y bedeir
blỽyd ar|dec y mae iaỽn y dat dỽyn y mab att
yr arglỽyd. ac o hynny aỻan bit ar ossymdeith
y arglỽyd. O|deruyd. y wreic dywedut dỽyn treis
arnei. a gỽadu o|r gỽr; rodet lỽ degwyr a|deu+
geint heb aỻtudyon heb wyr not. O|r mynn
hitheu yrru yn kyfreithaỽl. kymeret hi kaly y gỽr
yn|y ỻaỽ assỽ idi. a|e ỻaỽ deheu ar y creir. a|thyget
| « p 42 | p 44 » |