NLW MS. Peniarth 33 – page 23
Llyfr Blegywryd
23
ẏnt o o*|r|wlat ẏ|r llẏs. ac ẏ dẏscu kẏ+
freitheu. a|gossotedigaetheu ẏ brenhin
ac arueroed. a|deuodeu a|berthẏnont
ỽrth aỽdurdaỽt; Ac ẏn|benhaf. teir
colofẏn kẏfreith. a|gwerth holl anẏue+
ileit dof. ac ereill gwẏllt; Ac* aruerho
dẏnẏon ohonunt; Ac ẏ warandaw
haỽlỽẏr. ac amdiffẏnnwẏr ẏ|mẏwn
dadleuoed; Ac ẏ|vot ẏgẏt ac ẏgneit
ỽrth rodi varneu ac ẏ|warandaw eu
hamrẏssoneu. Ot anuonant at ẏ bre ̷+
nhin ẏr hẏnn a|uo petrus ganthunt
ac a|uynhỽynt trỽẏdaỽ ẏnteu ẏ|am+
lyccau. gwnnelhent vellẏ trỽẏ ẏ|v ̷+
lỽẏdẏn gỽbẏl. Ac odẏna ẏ|dẏlẏ cap ̷+
lan ẏ|brenhin ẏ|dỽẏn ef ẏ|r eglỽẏs
A|chẏt ac ef y|deuhec* sỽẏdaỽc arben+
nic ẏ|llẏs ỽrth offeren; Ac wede* offe+
ren ac offrỽm ẏ gan baỽp; paret ẏ ca+
plan idaỽ tẏgu ar|ẏ|creir. ac ar|ẏr|alla+
ỽr. Ac ẏ|wẏneitheit a|dotter ar|ẏ |allaỽr
na rotho cam varn bẏth hẏt ẏ|gỽẏp+
po. nac ẏr adolỽẏn neb. nac ẏr gỽer ̷+
th. nac ẏr carẏat. nac ẏr cas neb.
Guedẏ hẏnnẏ deuent ẏgẏt at ẏ bren+
| « p 22 | p 24 » |