NLW MS. Peniarth 35 – page 116r
Llyfr y Damweiniau
116r
eirchat. y penkerd a dyly pedeir ar uge+
int. Ac a| del o bob douot nac o kyuarỽs
neithaỽr nac o erchi rann deu ỽr a| geiff.
Nac ef a uoyny lle. Nac ef ny bo os gouyn.
Sef yỽ kyuarỽs neithaỽr. pedeir ar| uge+
int o|r neithaỽr a uo y wreic. A| hynny yr
beird. Ar penkerd a| dyly y wassanaeth ual
gỽr medanhus arnadunt. Rei a| dyweit
panyỽ dyn amdiuenedic yỽ kyuarch ki+
ffil. Ereill a| dyweit panyỽ llad derwen
yn aghyuarch ar treftadaỽc. Ac ynteu
yn priodaỽr a dyly dodi mantell arnei y
chudyaỽ rac y gwelet. Ar uantell yn talu
pedeir. keinaỽc. kyfreith. a gouyn pỽy ry ladaỽd hon
y treis y ar y perchennaỽc. Ereill a| dywe+
it panyỽ yỽ hynn yỽ kyuarch kiffil yn ia+
ỽn. pan uo y kar yn negyd yr llofrud o|e
ran o|r alanas. Ac yn gouyn mae y kyff y
gweheneis i a| thi. yna y mae iaỽn yr llo+
urud menegi idaỽ y kyff. mal y mae y ke+
renhyd ac ef. herwyd mal y dywedassam ni
uchot. A gyt hynny bot idaỽ ygyt karant
a uo digaỽn y cadỽ bot yn wir a| dyweit y
llourud. Sef achos y mae y gyt karant
yn| y lle honno yn vybydyeit. Cany dyly
yr estronyon na dỽyn y kerennyd nae
gwahanu y llofrud a| hi; ~ ~ ~ ~ ~ ~ ~
| « p 115v | p 116v » |