NLW MS. Peniarth 36A – page 47r
Llyfr Blegywryd
47r
nac o digassed nac yr gỽerth nac yr go+
byr. namyn yr dangos gỽiryoned.
yn| y mod hỽn y byd lliỽ kyfreithaỽl ony
byd gỽrthtỽg neu lyssyant. Gỽrthtỽg
a uyd trỽy tỽg deu ỽr. a llyssyant a vyd
or fford y llyssir tyston. Un werth uyd
kassec tom a buch. Dros loscỽr* pob vn
ae lygat. ae glust. keinhaỽc pedeir. kyfreith.
a tal pob vn. Kassec re gỽedy yd el ysta+
lỽyn erni; wheugeint a| tal. Y neb a
wertho march. bit dros y dilysrỽyd
hyt varỽ. rac y dera tri gỽlith. rac
yr yscefeint teir lloer. rac llynmeirch
blỽydyn. Ac yn achwanec. bit dan gle+
uyt oe myỽn. Teithi march neu gassec
yỽ yuet dỽfyr. a phori gỽellt. a rodi
escyn. ac na bo llỽygus. Y neb a wer+
tho march llỽygus; atueret trayan y
werth yr prynỽr. Y neb a varchocco
march dyn arall heb y ganhat; talet
yr perchen. pedeir escyn a phedeir dis+
cyn. a phedeir dros pob ran·tir y mar+
| « p 46v | p 47v » |