NLW MS. Peniarth 38 – page 19v
Llyfr Blegywryd
19v
yỽ pan dyccer llỽdyn neu peth arall colledic y
ỽrth aghyfreith y gyfreith Deudec a|trychant
a vyd yn|y rantir gyfreithaỽl. megys y kaffo y
perchennaỽc o|r trychant erỽ aradỽy a|phor ̷ ̷+
ua a chynnut. a|lle adeil o|r deudec erỽ. vn tro ̷+
etued ar pymthec a vyd yn hyt yr hirieu. ac
vn ieu ar|pymthec a|ỽnant yr erỽ o|hyt. a dỽy
vyd y llet. Seith tref vyd y vaenaỽr vro.
Teir tref ar|dec vyd y vaenor ỽrthtir. Hanher
punt a|daỽ y|r brenhin pan teruyner tre rỽg
dỽy tref. a|phedeir ar|hugeint y|r braỽtỽyr. H·a ̷ ̷+
nher punt a|geiff y brenhin o pop rantir pan
varnher y dyn.
P ỽy|bynhac a ofynho datanhud y dyn o|r
tir a gynhalyassei y tat hyt varỽ trỽy ỽerescyn
o eredic. datanhud o gỽbyl a|dyly y|gaffel ony
byd o gorff y|tat etifed a vo teilygach noc ef.
neu vn vreint ac ef yn kynhal y tir yn|y erbyn.
neu yn kytofyn datanhud yn llys. ac yno y tric
yn orffoỽyssaỽl heb ỽrtheb y|neb o|r tir. hyny
| « p 19r | p 20r » |