Breudwd Welsh Prose 1300-1425
Cymraeg

NLW MS. Peniarth 38 – page 42v

Llyfr Blegywryd

42v

eneit ych neu vuch. dros y petỽar ỽharthor; ỽyth
keinhaỽc. dros y|pen a|r traet. a|r amyscar. a|r g+
ỽer. pedeir keinhaỽc Buch a vyd taladỽy o|e heil
llo. hyt y pymhet llo. ac ych o|r tryded ieu hyt y
ỽhechet. Y neb a|ỽertho ych neu vuch; bit dros
tri heint. tri mis rac yr yscefeint. tri dieu rac y
dera. a|blỽydyn rac y|pelleneu. Teithi ych yỽ e+
redic yn rych ac y|gỽellt. ac yn allt ac y|gỽaeret
yn ditonrỽyc. ac ony byd velly; ny byd teithiaỽl
ac ony byd teithiaỽl; atuerer trayan y ỽerth y|r
neb a|e prynho. Y neb a|ỽertho neu a|talho llo
neu dinaỽet. meichet dros y dilysrỽyd. a|bit dros
deu gleuyt. rac y|dera tri dieu. a rac clafri o galan
gayaf. hyt ỽyl patric. a|r neb y del idaỽ; ny dyly
eu dỽyn ymplith enifeileit clafỽr nac y|ty y|bei
clafyri yndaỽ seith mlyned kyn no hynny.
neb a|ladho anifeil dyn arall yn|y vuarth yn lle+
drat a hynny yn honheit; talet yn deudyblic. ac
os gỽatta; gỽadet ar y|petỽeryd ar|hugeint o|e
gyfnesseifeit. Y neb a|gymero abo llỽdyn dyn