NLW MS. Peniarth 38 – page 5r
Llyfr Blegywryd
5r
a|e genedyl a dalant sarhaet y dyn a|lader
a|e alanas yn gỽbyl. ac yn gyntaf y llof+
rud sarhaet y|r tat a|mam a|r brodyr a|r
chỽioryd. ac os gỽreigyoc vyd. y ỽreic
a geiff y gan y rei hynny trayan sarha ̷+
et y gỽr Gỽerth dyn a lader yn teir ~
ran y rennir ar y rei a|e talho. y ran gyn*
a discyn ar y llofrud a|e tat a|e uam a|e
vrodyr a|e chỽioryd. a|r dỽy ran ar y ge ̷+
nedyl. y ran gyntaf a rennir yn teir
ran. vn ar y llofrud e|hunan. a|r dỽy ar
y tat a|r vam. ar vrodyr a|chỽioryd. ac
o|r gỽyr hynny kymeint a|tal pop vn a|e
gilyd. ac velly o|r gỽraged eithyr na|th+
al vn ỽreic namy* kymeint a hanher
ran y braỽt. a|ran gyntaf hon; y tat
a mam a brodyr a chỽioryd y dyn a|lader
y telir. a|e sarhaet velly. kany ledir neb
heb sarhaet. y dỽy ran a dodet o|r dech ̷ ̷+
reu ar genedyl y llofrud; a rennir y* teir
ran. y dỽy ran ar genedyl y tat. a|r ~
| « p 4v | p 5v » |