NLW MS. Peniarth 45 – page 104
Brut y Brenhinoedd
104
at Eudaf brenin. ynys. prydein. Ac yna y gouynỽys
kynan pa achos yr dothoed llu kymeint
a hỽnnỽ gantaỽ ynteu. Ac nat oedynt te+
bic y kennadeu namyn y elynyon a|uynhynt
anreithaỽ gỽladoed. Ac yna y dywedassant
hỽynteu nat oed tec kerdet gỽr kyuurd
a hỽnnỽ heb luossogrỽyd ygyt ac ef. Canys
y·uelly y mae teilỽng kerdet ygyt a|phob
un o amherodron ruuein. Rac cael perigyl a
chewilyd o·honunt kerdet yỽ cadỽ o lawer
o uydinoed y ford y kerdont. Tangheued a geis+
sant ac a|dyborthant. Ac arỽyd yỽ hynny
er pan doethant y tir yr ynys honn ny wna+
ethant na sarhaet na threis y neb namyn
prynu eu kyfreideu dros y da. Ac ual yd
kynan yn pedrussaỽ beth a wnelhei a|e
ymlad ac wynt a|e hedychu. Dynessau
a wnaeth caradaỽc iarll kernyỽ attaỽ ar
gwyrda ereill ygyt ac ef a chyghori hedychu
ac wynt. A chet bei drỽc gan kynan. hed+
ychu a wnaethpỽyt ac wynt. A dỽyn
maxen y gyt ac wynt hyt yn llundein at
Eudaf urenin. a datcanu idaỽ ual yr daroed.
AC yna y kymyrth caradaỽc iarll ker+
nyỽ gwyrda y gyt ac ef a dyuot ger
bron brenin. A dywedut ual hyn. Arglỽyd
| « p 103 | p 105 » |