NLW MS. Peniarth 46 – page 125
Brut y Brenhinoedd
125
unt yr hynny. a deu uab a edewis seuerus.
sef oed eu henỽ bassianus. a Geta. bassianus
hagen a hanoed y uam o|r enys hon. a|r llall
a hanoed y uam o Ruuein. a guedy marỽ
eu tat. sef a wnaeth guyr Ruuein dyrch ̷+
auael Geta yn urenhin. a|e ganmaỽl yn
uỽyhaf ỽrth hanuot y tat a|e uam o Ruue+
in. a sef a wnaeth y brytannyeit eissoes
ethol bassianus yn urenhin. a|e ganmaỽl
ynteu ỽrth hanuot y uam o|r enys hon.
ac ỽrth hynny sef a wnaeth y brodyr hyn ̷+
ny ymlad. ac yn yr ymlad hỽnnỽ. y llas
Geta. ac y cauas bassianus y urenhinaeth
trỽy nerth y brytannyeit. eit*. yn yr am ̷+
ser hỽnnỽ yd oed guas yeuanc yn enys
prydein. sef oed y enỽ Caraỽn. ac ny ha+
noed o lin brenhyned. namyn o lin issel. ac
eissoes guedy caffael clot ohonaỽ yn llaỽer o
ymladeu. o|e dewred a|e fynnyant. kych ̷+
wyn parth a Ruuein a oruc y geissyaỽ kan+
hyat y gan sened Ruuein y warchadỽ o+
honaỽ ef. ar longeu aruortir enys prydein.
rac estronyon genedloed. ac adaỽ o da ud ̷+
unt am hynny digaỽn pei kenhyetit idaỽ
| « p 124 | p 126 » |