NLW MS. Peniarth 46 – page 139
Brut y Brenhinoedd
139
A C ygkylch dieỽoed diỽed y|oes y
ymgygor a|oruc eudaf a|e ỽyrda
pa|ỽed yd adaỽei y|gyuoeth ỽedy ef.
kanyt oed etiued namyn un uerch. Rei
a|gyghorei idaỽ rodi y uerch y|un o|dyly+
edogyon ruuein. Ereill a|gyghorei idaỽ
y|rodi y|urenhin o ỽlat arall ac eur ac
aryant genti. a|rodi y kyureith y kynan
meirydaỽc. nei y eudaf oed hỽnnỽ. ac
gỽedy rodi llaỽer o amraual gyghoreu
idaỽ. y kyghores Caradaỽc Jarll kernyỽ
idaỽ ỽahaỽd attaỽ maxen ỽledic a|rodi
y|uerch idaỽ a|r kyuoeth genti gỽedy ef.
Canys mab oed y maxen hỽnnỽ y lyỽel+
yn eỽythyr. elen luydaỽc. megys y|dyỽ+
etpỽyt uchot y|uynet o|r ynys honn y+
gyt a|chustennin mab elen. a|mam uax+
en o dylyedogyon rufein. y|hanoed ac yno y
gannydoed. a|chynnhyruu y|llys yn ua+
ỽr a oruc kynan meirydaỽc nei y bren+
hin achos ro·di y|kyghor hỽnnỽ o|r iarll
| « p 138 | p 140 » |