NLW MS. Peniarth 46 – page 212
Brut y Brenhinoedd
212
a|lỽnc. ar muroed caer loeỽ y|gỽna y bỽnn
y nyth. ac yn|y nyth y creir assen. hỽnnỽ
a|uac sarph mal·uern. ac yn llaỽer o
uredycheu y kyffroa. Yny bo kymeredic
y|teyrnnỽialen yd ysgyn goruchelder
ac o aruthur sein yd aruthra y|ỽlat. yn|y
dydyeu hynny y seinant y|mynyded
ac yd yspeilir y|kymydeu oc eu llỽyneu
Can daỽ pryf tanaỽl anadyl yr hỽnn a
lysc y|gỽyd yny bo kymeredyc y|gỽlybỽr
O hỽnnỽ y kerdant ychen nyt amgen
no seith. kymeredic o benneu bycheu
O dryc·ỽynt eu ffroyneu y llygrant y|gỽr+
aged. ac y|gỽnant yn briaỽt vdunt. Ny
ỽybyd y|tat y|briaỽt uab. Canys o deua+
ỽt anyueileit y|ryỽedant. ỽrth hynny;
y daỽ caỽr yr enwired yr hỽnn a aruthra
paỽb o lymder y|lygeit. Yn erbyn hỽnnỽ
y kyuyt dreic caer ỽyragon. a hỽnnỽ a
uedylya y|distryỽ gỽedy bo ornest yry+
dunt. y gorchyuygir y dreic. ac o enỽir+
| « p 211 | p 213 » |