NLW MS. Peniarth 46 – page 299
Brut y Brenhinoedd
299
rif. A gỽedy gỽelet o arthur paỽb yn ufyd y|ỽ
ỽassanaeth rodi canyat a|ỽnaeth y|paỽb y|uy+
net y ỽlat y|ymparatoi erbyn calan aỽst.
ac erchi y|baỽp yna dyuot y|borthua douor
ỽrth gychỽyn ygyt yn erbyn yr amheraỽdyr.
ac yna yd anuones arthur at amheraỽdyr ruf+
ein y uenegi y|uot ef yn ymparatoi parth a
ruuein. ac nyt y ufydhau y sened ruuein
namyn yr kymell yr hynn yd|oedynt hỽy
trỽy andylyet yn|y erchi idaỽ ef. a chychỽyn
a oruc y kennadeu parth a ruuein. a|r|bren+
hined ỽrth paratoi. mal y|hedeỽyssynt. ac
yd archyssoed y|brenhin udunt. ~ ~ ~
A |Gỽedy gỽarandaỽ o|les amheraỽdyr
rufein. attep y kennadeu y|gann arthur
anuon gỽys a|oruc ynteu at urenhin+
aeth y|dỽyrein. y erchi y|baỽp luydaỽ ygyt
ac ef am benn. ynys. prydein. y estwg arthur. ac y|doe ̷+
thant y|ỽys honno. episcroffus urenhin groec.
Muscensar. urenhin. yr affric. Eliphant urenhin.
yr yspaen. Botrus urenhin. mydif. Hyrtacus
urenhin. parth. Serxtorius urenhin. libia. Pan ̷+
| « p 298 | p 300 » |