NLW MS. Peniarth 46 – page 36
Brut y Brenhinoedd
36
ymplith y|rei y hynny yd oed vn anhyng+
hetuenaỽl y|veint. a deudec. kufyt yn|y
hyt. a chymeint y angerd ac y|tynnei
derỽen vaỽr o|e gỽreid megys gỽialen.
ac val yd oed brutus dydgỽeith yn|aberthu y|diana.
nachaf y kaỽr; ar|y|vgeinuet o|r keỽri
ereill ygyt ac ef. ac yn gỽneuthur a+
erua diruaỽr y meint o|r bryttannyeit.
ae kylchynu eissoes a|ỽnaeth y|gỽyr ̷
vdunt a|e llad oll. eithyr y kaỽr maỽr
hỽnnỽ a|elỽit geomagog a|archassei y
brenhin y cadỽ y ỽelet ymdrech yrydaỽ
a chorineus. kanys digryf oed gantaỽ
ỽelet y|ryỽ gatỽent honno. ac y ym+
drech yd aeth corineus a|r kaỽr. a|phob
vn a|gymerth gauel ardỽrnn ar|y|gilyd.
a gỽasgu a|ỽnaeth y caỽr corineus attaỽ
yny torres teir assen idaỽ. vn yn|yr ystlys
deheu idaỽ. a dỽy yn|yr assev. a llidiaỽ a
oruc corineus a|dyrchauel y caỽr ar|y|ysgỽ+
yd. a chyrchu penn karrec vchel ac ef
| « p 35 | p 37 » |