NLW MS. Peniarth 9 – page 57r
Ystoria Carolo Magno: Rhamant Otfel
57r
naỽ yr meint y brathet neu y dyrnodeu a gaff+
ei ef a vydei holl yach ac amysgaỽn. Belisent
verch charlys a|y royssei idaỽ. Ac y wallter o
oreins y arỽydon ynteu. Ac ar ouer pyscot+
lyn y kyuaruu rolond ac ef. Ac ynteu a ym+
erbynnỽys ac ef ar ymadraỽd gỽatwarus.
arglỽyd heb a|y o|byscotta pan dewy. beth a|de+
bygy di a|y bỽyta o·honaỽt dy hun yr holl
paganyeit. mi a|thi a|gaffom etwa digaỽn
a gnohom yndunt. Ymhoyl bellach ac yr a+
ỽr hon ti a elly dial arnunt a wnaythant it.
Ac ỽrth reit y iaỽn y rolond ac y oliuer. yna
y deuth porth udunt. yna yr yttoyd y pagany+
eit yn dyffrystaỽ y agheu. Ac yna otuel a
vrathỽys fflỽri ac ysparduneu. ac a ysgydwỽ+
ys y wayỽ yn|y laỽ. Ac a want yn cumbrer
vn o|r saracineit drỽy y daryan a|y holl arue+
u a|y gorff. Ac ynteu yn varỽ yr llaỽr ymper+
ued y fford. Ac estut o lengres a duc.
| « p 56v | p 57v » |