Philadelphia MS. 8680 – page 41r
Brut y Brenhinoedd
41r
81
ni rodi kyghor gỽerthuaỽr+
ogach. nac atteb grynoach
na doethach. no|r hỽnn a|ro+
des doethineb y|r arglỽyd ar+
thur e|hun. Ac|ỽrth hynny
yr hynn a|racuedylyaỽd
medỽl doeth anyanaỽl gỽ+
astat. ninheu yn hoỻaỽl
moli hỽnnỽ a|dylyỽn. a|e
ganmaỽl yn wastat.
Canys yn|herỽyd y|dyly+
et a|dywedy di kyrchu ru+
uein ny phetrussaf|i yd
aruerỽn ni o|r uudugoly+
aeth. hyt tra|uom ni yn
amdiffyn an rydit. hyt
tra geissom ni an iaỽn y
gan an|gelynyon y peth
y maent yn|gam yn|y gei+
saỽ y genhym ninneu.
Canys pỽy bynnac a|gei+
so dỽyn y ureint a|e|dyly+
et yn gam y gan araỻ.
Teilỽng yỽ idaỽ ynteu
koỻi y ureint a|e|dylyet.
Ac ỽrth hynny kanys
82
gỽyr ruuein yssyd yn|kei+
saỽ dỽyn yr einym ni.
Heb amheu ninneu a|dy+
gỽn y racdunt yr eidunt.
os duỽ a ryd kyfle y ym+
gyuaruot ac ỽynt. a|ỻy+
na ymgyuaruot damu+
nedic yr hoỻ urytanyeit.
ỻyma daroganeu sibli
yn wir a|dywaỽt. dyuot
o genedyl y brytanyeit tri
brenhin a|oreskynnynt
ruueinaỽl amherodraeth.
a|r deu ry uu o·nadunt.
Ac yr aỽrhonn yd|ym ni
y|th gaffel ditheu yn|dry+
dyd. yr hỽnn y tyfỽys bla+
enwed ruueinaỽl enry+
ded. O|r deu neur|derỽ eil+
enỽi yn amlỽc megys y
dywedeist di y|r eglur tyỽ+
yssogyon beli a chusten+
nin. pob un onadunt a
uuant amherodron yn
ruuein. Ac ỽrth hynny
bryssya ditheu. y gymrut
| « p 40v | p 41v » |