Oxford Rawlinson MS. B 467 – page 25v
Meddyginiaethau
25v
a|r ganỽreid redecgaỽc. neu ẏr ẏsgaỽ o|r
keffir. a|berỽ ẏ deu lẏsseu hẏnnẏ ẏn da.
ac odẏna kẏmrẏt ẏr hoccẏs. a|r funẏg+
ẏl. a|r diỽẏth. a|r ieutot. a|r glessin. a
deil ẏ bẏỽi. ac eu hẏssigo ẏn oreu ẏ
gaỻer ac eu dodi ar ẏ tan ẏ·gẏt a|r deu
lẏsseu gẏneu. ac eu ber·ỽi ẏn da. ac
odẏna kẏmrẏt ẏ risc a vẏd ẏn|ẏ da·e+
ar o|r ẏscaỽ a|e grauu a|e olchi ẏn da
a|e hẏssigaỽ mẏỽn maen morter ẏn
da. ac odẏna kẏmrẏt ẏ ỻẏn hỽnnỽ a|r
ỻysseu gẏnneu a tharaỽ ẏ risc ar ẏ
ỻẏn hỽnnỽ. rỽg dỽẏlaỽ ẏn galet. a|e
dodi ar darỽed mẏỽn ỻester ẏ suro a|e
bragodi a|meid geifẏr neu veid gỽar+
thec. ac ẏfet fioleit da bop bore tra bar+
hao. ac odẏna kẏmrẏt ẏchẏdic o|vel
ne drighon neu a·val ẏ|dỽẏn blas ẏ
eneu. gỽedẏ ẏ diot. a|r ỻẏn hỽnnỽ ẏs+
| « p 25r | p 26r » |