Oxford Rawlinson MS. B 467 – page 29v
Meddyginiaethau
29v
a|r briaỻu. a chỽerỽ lẏs ẏr eithin. a gỽ+
edẏ briỽer hỽẏnt oỻ ẏ·gẏt dotter hỽẏ+
nt o vẏỽn ẏ keilẏaccỽẏd. a|phoper ẏn
da. o|beỻ ẏ ỽrth ẏ|tan. a|r sain hỽnnỽ
dotter mẏỽn blỽch ẏn eli gỽẏrth·vaỽr.
Mal ẏ gỽnaeth Jpocras. Rac parlis
ar i dỽẏn. Rac ẏ parlis berỽ deil ẏ
plỽmỽs. a deil ẏ mer helic. a|lỽnage. a
funẏgẏl. a bỽrỽ mẏỽn enneint a|ph+
orther ẏ claf ẏn ẏr enneint. a bỽẏdeu
da. bara da a chic iar a|phẏpẏr neu gic
mẏn. a phan del o|r|enneint ir ef ỽrth.
ẏ tan a|mỽstard ẏ ẏstlẏsseu. ac aet
vn ỽeith beunẏd veỻẏ ẏ|r enneint.
hẏt ẏm pen ẏr ỽẏthnos. Eli rac ẏ
man. briỽ ẏr erỻẏrẏat a ỻẏgat crist
a|deil ẏr ẏsgaỽ ac agrimon. ac ysgabi+
os. a|philago. a|r sinapion. ac o|r phion
| « p 29r | p 30r » |