Oxford Rawlinson MS. B 467 – page 33r
Meddyginiaethau, Campau'r Cennin
33r
ẏn ogẏmeint ar dan mẏỽn ỻester prid
a|gat ẏno ẏnẏ vont val kỽẏr ac ẏna y
gỽna ẏn deissenneu a|dot ỽrth ẏ dẏn Rac
brath neidẏr ẏf sugẏn ẏr erỻẏrẏad ẏ+
gẏt ac oleỽ neu sugẏn ẏ|ganỽreid ẏ|ỽrth+
lad ẏ|gỽenỽẏn. Araỻ ẏỽ kẏmẏsc emen+
ẏd keilẏoc koch a|sugẏn ẏ rut mẏỽn ỻe+
vrith neu laeth gneu ẏssẏd ỽeỻ neu
ỽin a dot beth o|gic ẏ|vron ẏn vrỽt ỽrth
ẏ brath. LLẏma eli gỽaeỽ berỽ ỽẏn ava+
leu koet mẏỽn gỽin ẏnẏ dreulo ẏ gỽin
oỻ a chẏmẏsc hỽnnỽ a|rỽsinc gẏt a|ch+
ỽẏr glan a|blonec hen a|mel a|berỽ ẏgyt
a|hidẏl ẏn lan ac ir ẏ gỽaeỽ pan vẏnẏch
LL *ẏma anẏan ẏ kennin da ẏỽ ẏ sugẏn
rac chỽẏdu gỽaet ac ẏ ỽreic y
beri plant ac ẏ·gẏt a gỽin
The text Campau'r Cennin starts on line 15.
| « p 32v | p 33v » |