Breudwd Welsh Prose 1300-1425
Cymraeg

Oxford Rawlinson MS. B 467 – page 79r

Meddyginiaethau

79r

kẏmeint o bob vn a|ẏ gilẏd. ac o|gỽẏr niỽẏd*
noc o vn ohonunt hỽẏ a|berỽ ygyt wẏnt hẏt
pann vo ẏn|deỽ. ac yna tẏnn i|r llaỽr a|gat i|oeri
a gỽna blastyr a dot wrth ẏ|dolur ẏn gyntaf
ẏ|pỽdẏr a|ddẏỽespỽẏt vchot. a|r|plastẏr a|da+
len ẏ|caỽl ar vchaf hẏnnẏ. a sẏmmut ef bore
a|r nos. A dẏro iddaỽ bob bore o|ẏ ẏfet ẏr afans
kanẏs ẏ|dẏd i|hẏfo ef ẏr|afans ni|bẏd mỽẏ|i
ddolur na llet no|chẏnt|arall Kẏmer sud ẏr a+
fans. a|sud ẏr holi·hok. a mel. a|llaeth bẏỽch
a|vo ẏn|vnlliỽ. a|llinat. a|briỽ igẏt wẏnt a
dot meỽn ẏsten neỽẏd a|berỽ ẏn dda. ac ẏn dỽẏ+
ma ẏ|galler dot ar ẏ|dolur. a|dẏro iddaỽ sud ẏr
afans o|ẏ ẏfet hẏt pann vo iach. arall. Kẏmer
bỽdẏr o|bẏpẏr a|berỽ igẏt a vinegẏr hẏt pan
ddarffo berỽi ẏ|vinegẏr ẏni vo oll ẏn sẏch. ac